Aksidenti horror në Durrës, dy të arrestuar për vdekjen e motoristit 25-vjeçar
Ngjarja e rëndë ndodhi mbrëmë në autostradën Tiranë-Durrës tek mbikalimi i këmbësorëve në Shkozet.Burime zyrtare nga policia thanë se bëhet fjalë për shtetasit me inicialet F. T., 54 vjeç, banues në Tiranë dhe P.T., 49 vjeç, banues në Krujë.
Të njëjtat burime sqaruan se arrestimi i tyre u bë për shkak se në autostradën “Tiranë-Durrës”, tek mbikalimi i këmbësorëve në Shkozet, mjeti tip “Fiat Dukato” që drejtohej nga shtetasi F. T., dhe mjeti autobus tip “Skania” që drejtohet nga shtetasi P. T., janë përplasur me motorin tip “Dajang”, me drejtues shtetasin R. B., 25 vjeç, banues në Durrës, i cili ka ndërruar jetë. Pamjet e rënda të aksidentit u publikuan mbrëmë nga ‘BalkanWeb’ ku pasi autobusi përplasi motorin, një automjet e mori përpara zvarrë.
Skena horror në Durrës, policia: Shpërndarësi i picave u përplas nga autobusi, një mjet tjetër tërhoqi zvarrë viktimën
Policia ka dhënë detaje për aksidentin me vdekje që ndodhi mbrëmë në vendin e quajtur ‘Ura e Dajlanit” në hyrje të qytetit të Durrësit.
Pas përplasjes me një autobus, një 25-vjeçar i cili punonte si shpërndarës picash gjeti vdekjen e menjëhershme.
Uniformat blu bëjnë me dije se rreth orës 20:10, në autostradën Tiranë - Durrës, në afërsi të një karburanti, në Shkozet, shtetasi P.T, duke drejtuar një mjet autobus tip “Skania” është përplasur me motorin tip “Dajang”, me drejtues shtetasin R. B, 25 vjeç, banues ne lagjen nr 15 Durrës i cili ka gjetur vdekjen.
Ndërkaq, policia sqaron më tej edhe skenën makabre të ndodhur mbrëmë. Sipas bluve një mjet tjetër e ka spostuar trupin e viktimës nga vendngjarja pas përplasjes me autobusin.
“Nga kqyrja e kamerave dhe veprimet paraprake rezulton se drejtuesi i motorit si pasojë e përplasjes nga autobusi është përplasur edhe me një mjet tjetër i cili e ka spostuar trupin e viktimës nga vendngjarja. Ndërsa motori është gjetur në vendngjarje poshtë autobusit. Punohet për sqarimin e rrethanave të ngjarjes”, thuhet në njoftim.
Lajmet përkatëse
