Përplasi autobusin dhe shkaktoi vdekjen e 59-vjeçarin, pranga shoferit

3 Mars 2020 - Gazeta Shqiptare

Përplasi autobusin dhe shkaktoi vdekjen e 59-vjeçarin, pranga shoferit

Policia e Durrësit ka vënë në pranga 3 drejtues mjetesh, të cilët drejtonin mjetin në gjendje të dehur, ndërsa njëri prej tyre aksidentoi për vdekje një person.

Uniformat blu të qytetit bregdetar shprehen se kanë bërë arrestimin në flagrancë të autorëve, për vepra penale që lidhen me mos-zbatim të rregullave të qarkullimit rrugor.

Njoftimi i Policisë së Durrësit:
Arrestohen në flagrancë 3 drejtues mjetesh.

Specialistët e Qarkullimit Rrugor në Drejtorinë Vendore Durrës, arrestuan në flagrancë shtetasit:

H.Sh,45 vjeç, banues në Tiranë. Ky shtetas në aksin rrugor Tiranë – Fushë Krujë, në Tapizë, duke drejtuar mjetin tip "Benz" është përplasur me mjetin tip "Volksëagen" e më pas është përplasur me mjetin autobuz tip "Benz". Si pasojë e përplasjes ka ndërruar jetë në vend drejtuesi i mjetit tip "Volkswagen" shtetasi F.Xh.,59 vjeç, si dhe kanë mbetur të dëmtuar shtetasit V.Xh.,A.Xh.,R.D.,M.D.,T.Gj.,K.Gj.,T.L.,Xh.L., pasagjerë në mjetet "Volksvagen" dhe autobuz "Benz", të cilët ndodhen në spital jashtë rrezikut për jetën.

A.Ç.,28 vjeç, banues në Durrës, pasi në lagjen nr.4 Durrës, u kap duke drejtuar mjetin tip "Benz" në gjëndje të dehur dhe pa leje drejtimi.

Z.M.,56 vjeç, banues në Durrës, pasi në lagjen nr.8, Durrës u kap duke drejtuar në gjëndje të dehur.

Materialet i kaluan Prokurorisë së Rrethit Gjyqësor Durrës për veprat penale "Shkelja e rregullave të qarkullimit rrugor" dhe "Drejtimi automjetit në mënyrë të pa rregullt".