Aksident në aksin Shkodër-Lezhë, humb jetën shoferi 83-vjeçar, shoqërohet në polici drejtuesi francez i makinës tjetër

Blutë njoftojnë se 83-vjeçari ka ndërruar jetë në ambientet e spitalit rajonal të Shkodrës pasi nuk ka arritur t’u mbijetojë plagëve të marra, ndërsa është shoqëruar në ambientet e policisë shoferi i automjetit tjetër të aksidentuar, një 67-vjeçar me shtetësi franceze.

Njoftimi i plotë i policisë:

Më datë 30.09.2026, rreth orës 15:30, në aksin rrugor “Shkodër - Lezhë”, në vendin e quajtur Kryebushat, janë përfshirë në një aksident rrugor dy automjete, me drejtues shtetasit P. L., 67 vjeç, shtetas francez, dhe Gj. N., 83 vjeç, banues në Shkodër.

Si pasojë e aksidentit, shtetasi Gj. N., ka humbur jetën në Spitalin Rajonal Shkodër.

Shtetasi P. L. është shoqëruar në ambientet e DVP Shkodër, për veprime të mëtejshme.

Grupi hetimor vijon punën për sqarimin e plotë dhe dokumentimin e rrethanave të aksidentit.