Aksident zinxhir në autostradën Shkodër-Lezhë/ Makina përplaset me autobusin, më pas goditet nga kamioni

Në tentativë për të kryer një parakalim, një makinë brenda të cilës udhëtonte një familje goditi nga pas një autobus të linjës Shkodër-Tiranë, ndërsa për shkak të lagështisë vetë makina u godit nga një kamion, por për fat të shpejtësisë jo të lartë si pasojë e një trafiku të ngarkuar, nga aksidenti nuk pati pasoja në një njerëz.

Familja u dërgua në spitalin rajonal të Lezhës për kontroll, ndërsa në vendngjarje mbërritën efektivë të qarkullimit rrugor për të zhbllokuar trafikun.

Kurbin, automjeti përplas për vdekje këmbësoren. Arrestohet autori

Një aksident është regjistruar rreth orës 12:20 në hyrje të qytetit të Laçit, ku drejtuesi i mjetit ka përplasur për vdekje këmbësoren, 72 vjeçe.

Policia ka shoqëruar në Komisariatin e Policisë Kurbin, 24-vjeçarin, shtetasin Samuel Kasmi, për veprime të mëtejshme procedurale.

Ndërkaq, grupi hetimor ndodhet në vendngjarje dhe po punon për zbardhjen e shkakut të aksidentit.