Një zetor me drejtues një 60-vjeçar, ku pasagjer ishte dhe një 21-vjeçar, ka dalë nga rruga dhe ka rënë në kanal.
Dyshohet se si pasojë e mbytjes kanë humbur jetën të dy shtetasit.
Grupi hetimor po punon për sqarimim e rrethanave të aksidentit.
Përfshihet nga flakët një mjet në afërsi të Korçës, pamje nga vendngjarja
Përfshihet nga flakët një mjet në rrugën Korçë-Ersekë, në vendin e qujatur Qafa e Qarrit.
Sipas informacioneve paraprake ngjarja është aksidentale, shkak i një defekti të mjetit.
Në pamjet e siguruara duket se mjeti është përfshirë në flakë totalisht, drejtuesi ka dalë pa marrë dëmtime.
Aksident te ish-sheshi “Shqiponja”/ “Benzi” përplaset me një tjetër automjet, dëmtohen shoferët dhe 3 pasagjerë
Një aksident ka ndodhur te ish-sheshi “Shqiponja”, ku një automjet tip “Benz” ka përplasur një tjetër automjet dhe si pasojë janë dëmtuar dy shoferët dhe tre pasagjerë.
Ndërkohë, ka rënë në prangat e policisë shoferi i “Benzit”, shtetasi 30-vjeçar.
Njoftimi i policisë:
Specialistët e Komisariatit të Policisë Rrugore arrestuan shtetasin: 30 vjeç, banues në Tiranë, pasi duke drejtuar automjetin tip “Benz”, në afërsi të ish-sheshit “Shqiponja”, është përplasur me automjetin me drejtues shtetasin. Si pasojë janë dëmtuar dy drejtuesit e automjeteve dhe 3 pasagjerët që ndodheshin në automjetet e tyre, të cilët janë jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Aksident në Shkodër, makina përplas motorin elektrik
Një aksident automobilistik është regjistruar paraditen e së martës në kagjen “Vasil Shanto” të Shkodrës.
Një automjet përplasi një motor elektrik, ku mbeti e dëmtuar lehtë drejtuesja e motoirit.
Ajo është dërguar për mjekim në spitalin rajonal të Shkodrës.
Grupi hetimor po punon për sqarimin e rrethanave të aksidentit.
Rrëshen/ Makina del nga rruga dhe batohet, çifti dhe vajza e tyre dërgohen në spital
Një aksident është shënuar paraditen e së martës në Kodër Rrëshen, ku një automjet ka dalë nga rruga dhe është batuar. Për pasojë kanë mbetur të plagosur çifti i bashkëshortëve dhe vajza e tyre.
Ata janë dërguar menjëherë në spital, ku ndodhen jashtë rrezikut për jetën. Ndërkohë, grupi hetimor po punon për të sqaruar dhe dokumentuar rrethanat e këtij aksidenti.
Shkaktoi aksident me 4 të lënduar në aksin “Prrenjas-Qafë Thanë”, vihet nën hetim 44 vjeçari nga Peshkopia
Një 44 vjeçar nga Peshkopia është proceduar në gjendje të lirë pasi shkaktoi një aksident në aksin rrugor “Prrenjas-Qafë Thanë”.
Sipas policisë, ky shtetas ka përplasur një automjet dhe si pasojë e humbjes së kontrollit nga drejtuesi, ka goditur një mjet tjetër tip Passat pranë një servisi.
Për pasojë kanë mbetur të dëmtuar katër shtetas që ndodheshin jashtë automjetit “Passat” (pasagjerë që udhëtonin në këtë automjet).
Aksident në Fier/ Shoferi i dehur humb kontrollin dhe përplaset me tre automjete të parkuara
Një aksident ka ndodhur në Fier. Mësohet se një shofer i dehur ka humbur kontrollin e automjetit të tij dhe është përplasur me tre automjete të tjera.
Fatmirësisht, ka shkaktuar vetëm dëme materiale.
“Specialistët e Sektorit të Policisë Rrugore të DVP Fier arrestuan në flagrancë shtetasin 56 vjeç, banues në Fier, pasi duke drejtuar automjetin, në gjendje të dehur, ka humbur kontrollin dhe ka përplasur 3 automjete të parkuara, duke shkaktuar dëme materiale”, thuhet në njoftimin e policisë.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Malësi e Madhe/ Nuk iu bind urdhrit të policisë për të ndaluar makinën, procedohet i mituri
Një 17-vjeçar është proceduar në gjendje të lirë në Malësinë e Madhe.
I mituri nuk i është bindur urdhrit të punonjësve të Policisë, për të ndaluar automjetin.
“Gjithashtu, specialistët e Sektorit të Policisë Rrugore referuan materialet në Prokurori, ku nisi procedimi në gjendje të lirë për nje 17-vjeçar, banues në Malësi të Madhe, pasi nuk i është bindur urdhrit të punonjësve të Policisë, për të ndaluar automjetin”, thuhet në njoftimin e policisë.
