Trafikuan BMW-në e vjedhur nga Suedia, zbulohen dy shkodranët në Elbasan
Dy shtetas janë vënë në pranga nga policia e Elbasanit nën akuzën e trafikimit të mjeteve motorike.
S. T., 45 vjeç dhe A. A., 34 vjeç, të dy banues në Shkodër kanë trafikuar në vendin tonë, një automjet tip “BMW”, i cili pas verifikimeve rezultoi të ishte vjedhur në Suedi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprën penale “Trafikimi i mjeteve motorike”.
