Tentuan të korruptonin policinë me lekë/ Dy të arrestuar dhe dy të ndaluar në Tiranë

Ndërsa, janë arrestuar dhe dy të rinj, pasi njëra drejtonte automjetin, pa leje drejtimi, ndërsa tjetri është përlasur me 4 automjete të tjera dhe nuk iu bind urdhërit të policsisë për të kryer testin e alkoolit.

Njoftimi i Policisë:

Policia Rrugore vijon kontrollet për evidentimin dhe ndëshkimin e shkelësve të rregullave të qarkullimit rrugor, me qëllim rritjen e parametrave të sigurisë së jetës në rrugë.

Në vëmendje të kontrolleve janë dhe automjetet, të cilat zënë hapësirat e dedikuara për lëvizjen e lirë të automjeteve të tjera.

Gjatë kontrolleve parandaluese, në bulevardin “Gjergj Fishta”, është ndaluar një shtetas i cili nuk rregullonte shpejtësinë e automjetit që drejtonte, në qendrat e banuara. Gjithashtu, gjatë verifikimeve ka rezultuar se ky shtetas drejtonte automjetin, në efektin e alkoolit. Gjatë kryerjes së veprimeve policore, drejtuesi i automjetit, shtetasi  31 vjeç, i ka ofruar punonjësit të Policisë, 200 euro, me qëllimin shmangien e ndëshkimit ligjor.

Në Rrugën e Elbasanit, është ndaluar një shtetas që drejtonte automjetin, pa vënë rripin e sigurimit. Gjatë kryerjes së veprimeve policore, drejtuesi i automjetit, shtetasi 31 vjeç, i ka ofruar punonjësit të Policisë, 2000 lekë të rinj, për të shmangur masën administrative.

Po në vijim të kontrolleve janë arrestuar shtetasit:

24 vjeçe, pasi drejtonte automjetin, pa leje drejtimi;

22 vjeç, pasi automjeti që drejtonte ky shtetas, është përplasur me 4 automjete të tjera. Nga përplasja janë shkaktuar vetëm dëme materiale. Gjithashtu, ky shtetas nuk i është bindur punonjësit të Policisë, për të kryer testin e alkoolit, i cili në matjen e parë rezultoi në masën 0.75 mg/l.

Më tej, gjatë 24 orëve janë tërhequr me karrotrec, 3 automjete që kishin penguar lëvizjen e lirë të automjeteve të tjera.

Policia Rrugore apleon për të gjithë përdoruesit e rrugës që të respektojnë rregullat e qarkullimit rrugor, të mos nxitojnë për të arritur në destinacion duke kryer parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit, të mos drejtojnë mjetin nën efektin e alkoolit apo në gjendje të dehur, të vendosin rripin e sigurimit dhe kaskën mbrojtëse.

Policia ushtron kontrolle në lokale dhe automjete në Peqin, shoqërohen disa persona

Gjatë orëve të vona të natës që lamë pas pothuajse në të gjitha lokalet dhe automjetet  që qarkullonin në rrugët e qytetit Peqinit janë ushtruar kontrolle të imtësishme nga policia. Këto kontrolle kanë patur si qëllim kapjen e personave që mbajnë  me armë zjarri pa leje  dhe që shpërndajnë lëndë narkotike. Në fokus të kontrolleve ishte edhe kapja e atyre personave të cilët janë të shpallur në kërkim për vepra të ndryshme penale. Burime jo zyrtare bënë me dije se kohët e fundit në Peqin janë shtuar kontrollet që synojnë identifikimin dhe kapjen e personave që kanë probleme me ligjin.Ndërkohë në ‘shënjestër’  kanë qenë edhe lokalet ku dyshohet se ushtrohet veprimtari e kundraligjshme e lojërave të fatit apo dhe që frekuentohen sidomos nga persona që janë në kërkim apo shpërndajnë lëndë narkotike e që mbajnë armë zjarri.

Gjatë kontrolleve të ushtruara nga policia natën e të Martës  ka patur edhe kundërshtime të pronarëve të lokaleve si edhe të qytetarëve të ndryshëm për mënyrën sesi ka vepruar policia . Në disa raste gjatë kontrolleve bëhet me dije se ka patur edhe incidente. Ndërkohë qytetarë të ndryshëm informuan se  policia ka kërkuar që tu merrte telefonat personalë disa personave gjatë ushtrimit të kontrollit të cilët fillimisht kanë refuzuar, por më pas telefonat disa personave ju janë marrë forcërisht.

Ndërkohë për disa orë kontrolle janë ushtruar jo vetëm në lokale por edhe në automjetet që qarkullonin  në të gjitha rrugët e qytetit të Peqinit . Disa persona ndërkaq janë shoqëruar për verifikim në Komisariatin e Policisë së Peqinit, ndërsa një grup qytetarësh më pas janë grumbulluara aty të revoltuar duke u kërkuar shpjegime autoriteteve për shkeljen e të drejtave të tyre  gjatë kontrolleve dhe shoqërimit me forcë. Kontrollet e befasishme mësohet se do të jenë të vazhdueshme në të gjitha akset rrugore në qytet, në automjete e lokale. Kontrollet e befasishme ishin të mbështetur me inteligjencë informative,  për goditjen e paligjshmërisë, kapjen e personave në kërkim, të atyre që qarkullojnë me armë zjarri apo shpërndajnë lëndë narkotike por ende nuk ka një informacion zyrtar për rezultatet paraprake.

Vidhte motomjete, pranga 19-vjeçarit në Sarandë

Sarandë/Ndalohet 19-vjeçari i shpallur në kërkim në kuadër të operacionit të koduar “Focus”, për vjedhje motomjetesh.

Si rezultat i intensifikimit të kërkimeve, shërbimet e Komisariatit të Policisë Sarandë lokalizuan dhe kapën shtetasin E. V., 19 vjeç, i shpallur në kërkim, si njëri nga autorët e dyshuar të vjedhjes së 4 motomjeteve në qytetin e Sarandës.

Ky shtetas ishte pjesë e grupit të goditur në kuadër të operacionit policor të koduar “Focus”, i zhvilluar nga Komisariati i Policisë Sarandë, për goditjen e veprimtarisë kriminale të vjedhjes. Gjatë operacionit, u ndaluan 2 bashkëpunëtorët e 19-vjeçarit, si dhe u sekuestruan 2 motomjete të vjedhura.