Shkaktoi aksidentin me dy viktima në Vlorë, arrestohet 28-vjeçarja italiane

Një aksident me pasojë dy viktima u regjistrua një ditë më parë në Vlorë. Një shtetase italiane që shkaktoi aksidentin është vënë në pranga nga policia.

Aksidenti tragjik ndodhi në afërsi të vendit të quajtur “Kripa” në autostradën “100 Vjetori”.

Nga aksidenti në vendin e ngjarjes humbi jetën drejtuesi i kamionçinës 63-vjeçari Ferdinant Hasani. Gjithashtu si pasojë e dëmtimeve të marra, humbi jetën në spital edhe pasagjeri në këtë mjet, 47-vjeçari Artan Muho banues në Vlorë

“Specialistët e Seksionit të Trafikut Urban dhe Interurban Vlorë arrestuan për veprën penale “Shkelja e rregullave të qarkullimit rrugor”, shtetasen italiane 28 vjeçe, banuese në Napoli, pasi ditën e djeshme, duke drejtuar automjetin në afërsi të vendit të quajtur “Kripa”, në autostradën “100 Vjetori”, është përplasur me një kamionçinë tip “Benz”. Si pasojë e aksidentit ka humbur jetën në vendngjarje drejtuesi i kamionçinës, shtetasi 63 vjeç, banues në Vlorë. Gjithashtu, si pasojë e dëmtimeve të marra, ka humbur jetën në spital edhe pasagjeri në këtë mjet, shtetasi 47 vjeç, banues në Vlorë”, thuhet në njoftimin e policisë.

Aksidenti në Vlorë, shkon në dy numri i viktimave/ Humb jetën dhe personi që ishte pasagjer në kamionçinë

Shkon në dy numri i viktimave nga aksidenti i ndodhur një ditë më parë në Vlorë.

Mësohet se ka humdur jetën edhe pasagjeri që ndodhej në kamionçinën që u aksidentua mesditen e të hënës në autostradën Levan-Vlorë.

Artan Muho u dërgua në gjendje të rëndë shëndetësore pas aksidentit në spitalin e Vlorës por nuk ka mundur t’i mbijetojë plagëve duke ndërruar jetë.

Nga aksidenti ndërroi jetën edhe drejtuesi i kamionçinës, Ferdinant Hasani, 62 vjeç.

Aksident në autostradën Thumanë-Kashar, shoferi humb kontrollin, makinë përmbyset në kanal

Një aksident ka ndodhur në autostradën Thumanë-Kashar, pranë fshatit Gramzë. Drejtuesi i automjetit ka humbur kontrollin dhe makina është përmbysur në kanalin pranë rrugës.

Në vendngjarje kanë mbërritur forcat e policisë, ndërsa raportohet se shoferi fatmirësisht nuk ka pësuar lëndime.

Ndërkohë drejtuesi i automjetit është penalizuar me masë administrative për shkelje të rregullave të qarkullimit rrugor

Aksident në Dukagjin/ Një person i lënduar rëndë, transportohet me helikopter drejt spitalit të Shkodrës

Një aksident rrugor ka ndodhur në fshatin Gimaj në Dukagjin.

Një person ka mbetur i lënduar rëndë.

Aktualisht ai po transportohet me helikopter drejt spitalit të Shkodrës.

Grupi hetimor ndodhet në terren dhe po punon për zbardhjen e rrethanave të ngjarjes.

Aksident në Korçë/ Makina godet 51 vjeçaren që lëvizte me biçikletë

Një 51-vjeçare e cila udhëtonte me biçikletë në Unazën e qytetit të Korçës është përplasur nga një makinë.

Nga përplasja, gruaja ka marrë fraktura të shumta në trup.

Ajo u dërgua në spital për ndihmë mjekësore, ndërsa policia po heton shkaqet dhe rrethanat e aksidentit.

Drejtuesja e mjetit, Jonada Seati u shoqërua në komisariat.