Makina përplaset me bordurën në Durrës, vdes pasagjeri, shoferi largohet nga vendngjarja

Ndërsa drejtuesi i mjetit është larguar nga vendngjarja.

Durrës/Informacion paraprak

Rreth orës 04:30, në rrugën dytësore, lagja Nr.13, Durrës, shtetasi G. Gj., 39 vjeç, banues në Kavajë, duke drejtuar automjetin, ka humbur kontrollin mbi drejtimin e tij dhe, për pasojë, automjeti është përplasur me bordurën anësore të rrugës.

Si pasojë e aksidentit, ka humbur jetën pasagjeri, shtetasi L. L., 48 vjeç.

Drejtuesi i mjetit është larguar nga vendngjarja.

Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit, si dhe për kapjen e drejtuesit të mjetit.

Përfshihet nga flakët automjeti në aksin Fier - Ballsh

Një automjet tip “Ford” është përfshirë nga flakët pak minuta më parë në aksin Fier - Ballsh, në fshatin Lalar.

Në vendngjarje kanë mbërritur menjëherë shërbimet zjarrfikëse të Patosit, të cilat kanë bërë të mundur shuarjen e flakëve.

Fatmirësisht, drejtuesi i mjetit nuk ka pësuar dëmtime, pasi ka dalë menjëherë sapo ka vënë re flakët.

Paraprakisht, dyshohet se shkak ka qenë një defekt në sistemin elektrik, ndërkohë që policia dhe grupi hetimor po punojnë për përcaktimin e shkaqeve të ngjarjes. 

Aksident fatal në Levan, humb jetën 74-vjeçari, u përplas nga automjeti teksa ecte në rrugë

Një 74-vjeçar ka humbur jetën pasi u përplas nga një automjet në aksin rrugor Levan – Vlorë, në rrugën e vjetër.

Aksidenti ndodhi rreth orës 18:00, ndërsa këmbësori, banues në fshatin Levan, u përplas nga një automjet që drejtohej nga një 58-vjeçar.

I moshuari u transportua me urgjencë në Spitalin Rajonal të Fierit, por pavarësisht ndihmës mjekësore, nuk arriti t'u mbijetonte plagëve të marra.