Aksident i rëndë në autostradën Tiranë-Durrës, dy të plagosur dërgohen me urgjencë në spital

Sipas informacioneve paraprake, si pasojë e përplasjes së fortë, të dy automjetet kanë dalë nga karrexhata dhe kanë përfunduar në kanalin anësor të rrugës.

Menjëherë pas ngjarjes, në vendngjarje kanë mbërritur ekipet e emergjencës, të cilat kanë transportuar të lënduarit drejt Spitalit Rajonal të Durrësit, shkruan A2CNN. 

Burime zyrtare bëjnë me dije se dy drejtuesit e mjeteve po marrin ndihmën e nevojshme mjekësore, ndërsa ende nuk ka informacion të detajuar mbi gjendjen e tyre shëndetësore.

Aksident në aksin Levan - Tepelenë, një i plagosur

Një aksident rrugor ka ndodhur paraditen e sotme, rreth orës 09:40, në aksin Levan-Tepelenë, në vendin e quajtur Varibop.

Sipas informacioneve paraprake, një automjet tip Volkswagen, me drejtues shtetasin K.M., ka humbur kontrollin dhe ka dalë nga rruga, duke përfunduar në një kanal anësor.

Si pasojë e aksidentit, drejtuesi i mjetit ka mbetur i lënduar dhe është transportuar drejt Spitalit Rajonal të Fierit për të marrë ndihmën e nevojshme mjekësore.

Burime paraprake bëjnë me dije për A2CNN se ai ndodhet jashtë rrezikut për jetën.

Policia ndodhet në vendngjarje dhe po kryen veprimet procedurale për të zbardhur shkaqet dhe rrethanat e aksidentit.