Lushnjë/ Pacienti vdiq në ambulancë pas aksidentit, arrestohen dy shoferët

FIER- Një ditë pas ngjarjes së rëndë në Fier, ku pacienti 77-vjeçar vdiq në ambulancë pas një aksidenti rrugor, policia ka arrestuar dy drejtuesit e mjeteve. Në pranga rënë drejtuesi i ambulancës, L. Gj., 31 vjeç, dhe ai i kamionit, F. R., 54 vjeç, për veprën penale "Shkelja e rregullave të qarkullimit rrugor".

“Në vijim të veprimeve procedurale të kryera për aksidentin e ndodhur ditën e djeshme, në aksin rrugor "Lushnjë-Fier", me pasojë vdekjen e një pacienti që po transportohej me autoambulancë, specialistët e Sektorit të Qarkullimit Rrugor të DVP Fier arrestuan 2 drejtuesit e automjeteve (kamion dhe autoambulancë) të përfshirë në këtë aksident, shtetasit L. Gj., 31 vjeç dhe F. R., 54 vjeç, për veprën penale "Shkelja e rregullave të qarkullimit rrugor", njofton policia.

Aksidenti u shënua dje (17 shtator), në aksin Lushnjë-Fier. Si pasojë e përplasjes, humbi jetën pacienti 77 vjeçar, Dashamir Koçaj, i vili po dërgohej nga Vlora në Tiranë për mjekim më të specializuar.

Ambulanca u godit nga kamioni, i cili po udhëtonte drejt Lushnjes kur ambulanca është futur në parakalim. Nga goditja shoferi i ambulancës humbi kontrollin dhe u përplas me trafikndarësen. Nga aksidenti mbetën të plagosur edhe e bija e 77-vjeçarit, mjeku dhe infermieri.

Aksident në Elbasan, përplasen dy kamionë në fshatin Bradashesh! Plagoset shoferi nga Kosova

Një aksident është regjistruar mesditën e kësaj të hëne në oborrin e firmës "Kurum", në fshatin Bradashesh të Elbasanit, ku dy kamionë janë përplasur me njeri-tjetrin.

Burimet e para nga vendi i ngjarjes bëjnë me dije se një kamion, me drejtues shtetasin kosovar N. I., 56 vjeç, gjatë kryerjes së një manovre, ka përplasur një automjet kamion të parkuar.

Për shkak të goditjes, aksidentalisht është dëmtuar shtetasi kosovar, i cili ka qenë në afërsi të kamionit.

56-vjeçari është dërguar në spital, për të marrë ndihmë mjekësore dhe ndodhet jashtë rrezikut për jetën.

Me shtetasin N. I. po kryhen veprimet procedurale.  

Grupi hetimor vijon punën për përcaktimin e rrethanave të këtij rasti.

Aksident në Elbasan, mjeti përplas këmbësorin! I plagosuri dërgohen në spital

Një aksident është regjistruar mëngjesin e sotëm rreth orës 08:30 në rrugën ‘Qemal Stafa’ ku mjeti tip ‘Volkswagen’ me drejtues një 46-vjeçar ka përplasur një këmbësor të moshuar në fshatin Kusarth të Elbasanit.

I plagosuri është dërguar në spital për ndihmë mjekësore, ndërsa po kryen veprimet procedurale ndaj shoferit të automjetit.

Grupi hetimor po punon për përcaktimin e rrethanave të aksidentit.