I dehur në timon, aksidentohet turisti belg në Sarandë

I plagosur ka mbetur një turist belg në aksin rrugor Sarandë-Ksamil në vendin që quhet Hidrovori.

Turisti ka humbur kontrollin dhe për rrjedhojë është përplasur me barrierat mbrojtëse të rrugës.

Paraprakisht raportohet se si pasojë e përplasjes 28-vjeçari ka thyer këmbët. Menjëherë turisti nga Belgjika është dërguar në spitalin e Sarandës.

Nga testi i kryer nga shërbimet e Qarkullimit Rrugor të Sarandës rezulton se 28-vjeçari belg, që është me pushime të sezonit në Sarandë, ishte në gjendje të dehur

Aksident në Devoll/ Makina del nga rruga dhe përplaset me shtyllën, lëndohet drejtuesi

Një tjetër aksident është shënuar pak momente më parë në afërsi të fshatit Bitinckë të Devollit. Drejtuesi ka humbur kontrollin duke dalë nga rruga e duke u përplasur me shtyllën anës rrugës. Mësohet se ka marrë dëmtime ndërsa po transportohet me ambulancë drejt spitalit të Korcës. Policia në vendngjarje për zbadhjen e rrethanave. 

Aksident në Maliq/ Makina përplaset me pemën, lëndohet drejtuesi

Një aksident ka ndodhur pasditen e sotme në Maliq. Sipas burimeve për ABC News, mësohet se një automjet është përplasur me pemën në periferi të qytetit të Maliqit. Dyshohet se shkak është bërë shpejtësia, që ka sjellë edhe përplasjen e fortë.

Drejtuesi i mjetit ka marrë lëndime dhe është nën kujdesin e bluzave të bardha. Drejtuesi i mjetit ka rezultuar i dehur, ndërsa pas daljes nga spitali do të arrestohet nga policia.

Aksident në Vlorë, plagoset 35-vjeçari

Një aksidenti ka ndodhur në aksin rrugor Vlorë–Qeparo, në afërsi të vendit të quajtur “Ura e Drashovicës”.

Një 35-vjeçar banues në Selenicë, duke drejtuar automjetin tip Fiat, dyshohet se ka humbur kontrollin mbi drejtimin e mjetit duke dalë nga rruga. Si pasojë ka ngelur i dëmtuar. 35-vjeçari aktualisht ndodhet në spital, nën kujdesin e mjekëve.

Grupi hetimor vijon punën për zbardhjen e plotë të rrethanave të këtij aksidenti.