Efektivi u lëndua gjatë operacionit në Korçë, shpërndarësi kokainës përplasi…

Policia e Korçës ka zhvilluar një operacion ku efektivët kanë konstatuar një person i cili ka blerë një sasi droge te i arrestuari Vangjush Dushku. Këtij të fundit iu gjetën mbi 12 doza kokaine.

Në ndjekje e sipër të Dushkut, efektivët u përfshinë në një aksident rrugor ku u përplasën me të.

Mësohet se edhe gjatë kohës kur ndodhi aksidenti, pjesa tjetër e policisë u drejtua drejt lokalit ku Vangjush Dushku punonte si kamarier dhe atje iu gjetën doza të tjera në trup por edhe në ambientet e lokalit.

Nga ana tjetër, në kërkim është shpallur pronari i lokalit në fshatin Lumalas ku bëhej edhe shitja e drogës. Policia po vijon veprimet për rastin ndërsa nga spitali i Tiranës ku ndodhet efektivi i lënduar, mësohet se është jashtë rrezikut për jetën.

Aksident në Fier, 4 të plagosur

Një aksident i rëndë automobilistik është regjistruar mesditën e kësaj të mërkure në bypass-in e Fierit, në afërsi të fshatit Mbrostar.

Dy automjete që udhëtonin në të njëjtin kah janë përplasur me njëra-tjetrën, ndërsa si pasojë e aksidentit kanë mbetur të plagosur katër persona, shkruan A2 CNN. Dy prej të lënduarve janë turistë të huaj, të cilët janë transportuar me urgjencë drejt Spitalit Rajonal të Fierit për të marrë ndihmën mjekësore. Burime nga spitali bëjnë me dije se të plagosurit ndodhen jashtë rrezikut për jetën.

Menjëherë në vendngjarje kanë mbërritur shërbimet e Policisë Rrugore, të cilat kanë nisur hetimet për të zbardhur shkaqet e aksidentit, ndërsa po punojnë edhe për normalizimin e trafikut në këtë aks rrugor.