E rëndë, makina përplas për vdekje këmbësoren në Vlorë
Një aksident me pasojë vdekjen ka ndodhur sot në Vlorë, ku një mjet ka përplasur një 75-vjeçare e cila ishte duke lëvizur në këmbë. Ngjarja ka ndodhur pak minuta më parë në vendin e quajtur “Kryqëzimi i Sodës”.
Policia ka nisur hetimet si dhe ka shoqëruar në polici drejtuesin e automjetit.
Njoftimi i policisë:
Rreth ores 17:21, në lagjen “24 Maji”, Vlorë, në vendin e quajtur”Kryqëzimi i Sodës”, një automjet, me drejtues shtetasin P. I., 37 vjeç, banues në Vlorë, ka aksidentuar me pasojë vdekje shtetasen S. G., rreth 75 vjeçe, e cila ishte duke lëvizur në këmbë.
Drejtuesi i mjetit është shoqëruar në Komisariatin e Policisë Vlorë.
Në vendngjarje ndodhet grupi hetimor dhe po punon për zbardhjen e plotë të ngjarjes.
