Automjetit të Drejtoreshës së Tatimeve i vihet flaka/ Reagon babai: I qëllimshëm

Babai i saj në një deklaratë për mediat është shprehur se është një veprim i qëllimshëm për shkak të detyrës.

Ai thotë se nga kamerat e sigurisë janë parë persona të maskuar të cilët kanë hyrë në garazh dhe i kanë vënë zjarrin.

“Ka ndodhur rreth orës 10:15 në mbrëmje. Vërejtëm nga kamerat që futet dikush nga hyrja e garazhit, vjen te makina, i hedh benzinën që kishte në xhep. I maskuar me kapuç, me kapele me maskë, gri. Mbaroi punë dhe iku andej nga hyri. Na njofton një komshi që pa tym në garazh. Vijmë këtu, morëm një kovë me ujë, zbresim poshtë. Morëm ujin, njoftuam zjarrfikësen, policinë, erdhën në kohë. Hasmëri nuk kemi, është vetëm për shkak të detyrës”, tregoi ai.

Digjet makina e funksionares së bashkisë

Automjeti tip “Volkswagen”, në pronësi të një funksionareje të Bashkisë së Vlorës është djegur.

Vlorë/Informacion paraprak

Mbrëmjen e djeshme, në lagjen “1 Maji”, Vlorë, ka rënë zjarr dhe është djegur një automjet tip “Volksëagen”, në pronësi të shtetases A. Sh., banuese në Vlorë (funksionare e bashkisë Vlorë).

Shërbimet e Policisë kanë shoqëruar në Komisariat, disa shtetas të dyshuar lidhur me ngjarjen

Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit