Aksident në Lushnje, makina përfundon në kanal, humb jetën 28-vjeçari

Lushnje - Një aksident me pasojë vdekjen ka ndodhur në vendin e quajtur “Rotondo e Kolonjës”.

Mësohet se shtetasi 28vjeç ka humbur kontrollin e automjetit. Më pas ka përfunduar në një kanal me ujë. I riu ka ndërruar jetë.

Grupi hetimor po punon për zbardhjen e rrethanave dhe përcaktimin e shkakut të aksidentit.

Aksident i trefishtë në aksin rrugor Dhërmi-Himarë

Një aksident ka ndodhur paraditen e kësaj të diele në aksin Dhërmi-Himarë.

Gazetarja e ABC News, Elton Nika raporton se tre makina janë përplasur me njëra tjetrën.

Fatmirësisht nuk ka persona të lënduar, por vetëm, dëme materiale. Policia ka nisur hetimet për zbardhjen e plotë që shkaqeve të aksidentit.

Aksident në Memaliaj/ Makina del nga rruga, dy të lënduar

MEMALIAJ -  Një aksident rrugor ka ndodhur në orët e para të mëngjesit të së hënës në qytetin e Memaliajt.

Një 24-vjeçar ka humbur kontrolli e automjetit duke u përplasur me një mjet tjetër, të parkuar anash rrugës.

Sipas policisë, dy pasagjerë kanë marrë lëndime dhe janë transportuar për ndihmë në spitalin e Gjirokastrës.

Grupi hetimor po punon për zbardhjen e rrethanave të aksidentit.

Aksidentoi këmbësorin dhe u largua, arrestohet 42-vjeçari në Durrës

Një 42-vjeçar është vënë në prangat e policisë pasi ditën e djeshme aksdientoi një këmbësor në Sukth dhe u largua.

Policia arrestoi 42-vjeçarin D. M., banues në Sukth, i cili dyshohet se më datë 25.05.2025, rreth orës 20:45, në aksin rrugor “Sukth-Vadardhë”, ka aksidentuar shtetasin B. D., 54 vjeç, dhe është larguar.

Gjithashtu, shërbimet e Policisë kanë gjetur dhe sekuestruar në cilësinë e provës materiale, automjetin me të cilin dyshohet se shtetasi D. M. ka aksidentuar 54-vjeçarin.

54-vjeçari i dëmtuar ndodhet në kujdesin e mjekëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.