Aksident në Librazhd, kamioni përplas motoçikletën, plagoset rëndë çifti i bashkëshortëve
Një aksident i rëndë ka ndodhur mesditën e sotme në aksin e rrugës kombëtare Elbasan-Librazhd.
Gazetari Fatmir Popja raporton se një automjet i tonazhit të rëndë, gjatë një parakalimi të gabuar, jo shumë larg hyrjes së qytetit të Librazhdit, është përplasur me një motoçikletë, e cila ka përfunduar poshtë tij.
Për pasojë, burrë e grua që ndodheshin në të, kanë mbetur të plagosur në gjendje të rëndë.
Të plagosurit janë transportuar ne spitalin e Librazhdit dhe sipas burimeve zyrtare, gjendja e tyre është jashtë rrezikut për jetën.
