Aksident në Fier/ Makina përplas motorin, drejtuesi në gjendje të rëndë në spital

Një mjet tip “ Citroen ”, me drejtues shtetasin Alfred Satëri, është përplasur me një motomjet me drejtues shtetasin Mirjan Gergari dhe, si pasojë e goditjes së fortë, drejtuesi i motomjetit ka marrë lëndime në trup.

Ai është transportuar me urgjencë drejt Spitalit Rajonal Fier në gjendje të rëndë. Ndërkohë, shërbimet e policisë dhe grupi hetimor ndodhen në vendngjarje për të përcaktuar shkaqet e aksidentit, si edhe për të disiplinuar trafikun.

Po e ndiqte policia/ Makina përplaset me disa mjete të parkuara në Fier, arratiset shoferi

Në qendër të Fierit, pranë bashkisë, një fuoristradë është përplasur me disa mjete të parkuara.

Mësohet se drejtuesi i automjetit ishte duke u ndjekur nga një patrullë policie për arsye ende të paqarta.

Duke drejtuar mjetin me shpejtësi të lartë, ai u është shmangur efektivëve dhe, pasi është përplasur me mjetet e parkuara, ka dalë nga makina dhe është larguar.