Aksident në aksin rrugor Fier-Patos/ Makina e policisë përplaset me automjetin, tre të lënduar

Si pasojë e përplasjes dy efektive të komisariatit të Fierit janë lënduar dhe dërguar në spital ku po marrin ndihmë mjekësore. Nuk dihen rrethanat e aksidentit por paraprakisht nga grupi hetimor për rastin thuhet se reshjet e dendura të shiut që po vijojnë prej mbrëmjes së djeshme, kanë vështirësuar shikueshmërinë në rrugë.

Megjithatë hetimi për shkaqet e aksidentit po kryhet dhe pritet të zbardhe rrethanat e ngjarjes.

Përplasen makinat, dy viktima/ Aksidenti në Lezhë, njëri nga drejtuesit e mjeteve ishte i dehur

Dy persona kanë humbur jetën për shkak të një aksidenti rrugor në aksin Lezhë-Milot.

Si rezultat i aksidentit rrugor, kane mbetur te plagosur rende dhe kane humbur më pas edhe jetën jeten si pasoje e plageve, drejtuesi i automjetit shtetasi Ramazan Harapi 66 vjeç si dhe Agim Harapi 52 vjeç.

Sipas policisë, shkaku kryesor i aksidentit që i mori jetën drejtuesit Ramazan Harapi dhe pasagjerit Agim Harapi, ishte pozicionimi i gabuar në karrexhatë i automjetit  me drejtues 33-vjeçarin Ardit Gjeçi, i cili rezultoi  edhe në gjendje të dehur

Po ashtu mendohet se një tjetër shkak kanë qenë edhe kushtet e vështira atmosferike  me reshje të dendura të cilat kanë krijuar vështirësi në qarkullim.

Dy automjetet janë përplasur rreth orës 01:30 të kësaj të shtune ndërsa shoferi i dehur është arrestuar në flagrance nga uniformat blu.Grupi hetimor po vijon  ndërkohë hetimet për sqarimin e plotë të rrethanave të ngjarjes

Makina përplas motomjetin/ Shkodër, një i plagosur

Një aksident ka ndodhur në bulevardin “Skenderbeu” në Shkodër, ku një automjet ka përplasur një motomjet, që drejtohej nga një 19-vjeçar.

Si pasojë është dëmtuar drejtuesi i motomjetit, 19-vjeçari, i cili ndodhet në Spitalin Rajonal Shkodër, jashtë rrezikut për jetën.

Makina përplas këmbësoren/ Kavajë, humb jetën 82 vjeçarja

Një aksident i rëndë ka ndodhur në aksin Peqin-Rrogozhinë ku një automjet përplasi për vdekje një këmbësore.

Ngjarja ndodh në fshatin Sinaballaj ku një shtetas 58 vjeçar dyshohet se ka humbur kontrollin mbi drejtimin e automjetit dhe ka aksidentuar këmbësoren 82 vjeçare.

Për pasojë, e moshuara ka ndërruar jetë.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.