Aksident në dalje të Prrenjasit, dyshohet për persona të plagosur

Policia ndodhet në vendngjarje dhe po merret me kqyrjen e aksidentit dhe shkaqet e tij.

Shoferi humb kontrollin, makina del nga rruga. Dy të plagosur në aksident

Një aksident me pasojë dy persona të plagosur ka ndodhur mbrëmjen e të dielës në rrugën “Zvezdë-Pojan”, Maliq.

Policia tha se shtetasi G. A., 27 vjeç, duke drejtuar automjetin tip “Volksëagen”, dyshohet se ka humbur kontrollin dhe për pasojë, automjeti ka dalë nga rruga.

Nga ky aksident janë dëmtuar shtetasi G. A. dhe vëllai i tij, shtetasi K. A., 30 vjeç, pasagjer.

Të plagosurit ndodhen në spitalin e Korçës.

Njoftimi i plote: 

Maliq/Informacion paraprak

Mesnatën e djeshme, në rrugën “Zvezdë-Pojan”, Maliq, shtetasi G. A., rreth 27 vjeç, banues në fshatin Pojan, duke drejtuar automjetin tip “Volkswagen”, dyshohet se ka humbur kontrollin dhe për pasojë, automjeti ka dalë nga rruga.

Nga ky aksident janë dëmtuar shtetasi G. A. dhe vëllai i tij, shtetasi K. A., 30 vjeç, pasagjer në këtë automjet, të cilët ndodhen në spitalin e Korçës, në kujdesin e mjekëve.

Grupi hetimor po kryen veprimet procedurale dhe vijon puna për përcaktimin e shkakut të këtij aksidenti.

E rëndë në Gramsh/ E zuri posht zetori, humb jetën 60-vjeçari

Një ngjarje e rëndë është shënuar në fshatin Dumberas, Gramsh, ku një 60-vjeçar ka humbur kontrollin mbi drejtimin e automjetit dhe për pasojë zetori është përmbysur.

Si pasojë e aksidentit, ka ndërruar jetë në vendngjarje 60-vjeçari.

Njoftimi i plotë:

Elbasan/Informacion paraprak

Në fshatin Dumberas, Gramsh, shtetasi V. B., rreth 60 vjeç, duke drejtuar automjetin buqësor tip ‘Zetor’, ka humbur kontrollin mbi drejtimin e automjetit dhe për pasojë automjeti është përmbysur.

Drejtuesi i automjetit shtetasi V. B., ka ndërruar jetë në vendngjarje.

Grupi hetimor po punon për zbardhjen e shkakut të aksidentit.

Makina përplas 70-vjeçarin në Krujë, shoqërohet në polici shoferi

Një aksident është regjistruar sot në Krujë ku një automjet ka përplasur një 70 vjeçar. Ngjarja ka ndodhur në aksin rrugor Thumanë-Borizanë rreth orës 17:15. Policia ka bërë me dije se këmbësori 70 vjeçar ndodhet në spital nën kujdesin e mjekëve jashtë rrezikut për jetën.

Njoftimi i policisë:

Rreth orës 17:15, në aksin rrugor Thumanë-Borizanë, Krujë, një automjet me drejtues shtetasin A. S., 37 vjeç, ka përplasur shtetasin këmbësor A. X., 70 vjeç, i cili ndodhet nën kujdesin e mjekëve jashtë rrezikut për jetën.

Drejtuesi i automjetit shtetasi A. S, është shoqëruar në ambientet e Komisariatit të Policisë Krujë për veprime të mëtejshme.  Grupi hetimor ndodhet në vendngjarje dhe po punon për sqarimin e rrethanave të aksidentit.