Aksident në Ballsh, makina del nga rruga dhe përfundon në përrua

Në vendngjarje ka mbërritur Policia dhe urgjenca mjekësore, ndërsa mësohet se nuk ka viktima. Sakaq uniformat blu bëjnë me dije se personat që udhëtonin në këtë automjet janë jashtë rrezikut për jetën.

Paraprakisht mësohet se shkak i aksidentit dyshohet të jetë bërë shpejtësia e lartë dhe lagështira në rrugë. Grupi hetimor po punon për sqarimin e rrethanave të ngjarjes dhe dokumentimin e rastit.

Përplasi me makinë këmbësoren, e pëson 46-vjeçari në Vlorë

Një 46-vjeçar është proceduar penalisht pasi ditën e djeshme ka përplasur një këmbësore.

Ngjarja ndodhi në aksin Vlorë-Orikum, ndërsa mësohet se e lënduar, 60 vjeçarja, ndodhet në spital jashtë rrezikut për jetën.

Materialet iu referuan prokurorive për veprime të mëtejshme.

Aksidentohet turisti spanjoll në Theth, motori me të cilin udhëtonte del nga rruga

Një aksident është shënuar të hënën në Theth, ku një motor që drejtohej nga një 27 vjeçar spanjoll dyshohet se ka humbur kontrollin dhe ka dalë nga rruga.

Nga aksidenti janë dëmtuar drejtuesi dhe pasagjeri 24 vjeçar, të cilët ndodhen në kujdesin e mjekëve. Po punohet për sqarimin e rrethanave të aksidentit.