Aksident i dyfishtë në aksin Tepelenë-Krahës, plagoset një person

Ngjarja ndodhi rreth orës 06:00, ku dy automjete janë përplasur.

Nga aksidenti është dëmtuar lehtë një prej drejtuesve të automjeteve, i cili po merr ndihmën mjekësore në spital.

Vidhte monopatina dhe motorë, arrestohet 28 vjeçari në Tiranë

Një 28 vjeçar është arrestuar nga policia e Tiranës për disa vjedhje që ka kryer.

Mësohet se i riu vetëm gjatë javës së fundit kishte vjedhur në zona të ndryshme të Tiranës, 2 monopatina dhe 1 motomjet, të cilat më pas i ka shitur.

Vijon puna për zbardhjen e vjedhjeve të tjera që mund të jenë kryer nga ky shtetas.

Iu përmbys zetori teksa punonte tokën, humb jetën i moshuari në Dropull

Një ngjarje e rëndë ka ndodhur në fshatin Glinë të Dropullit. Mësohet se një i moshuar ka humbur jetën, pasi teksa ka qenë duke punuar tokën, i është përmbysur zetori.

“Pasditen e se hënës, në fshatin Glinë, Dropull, dyshohet se për shkak të përmbysjes së mjetit zetor me të cilin po punonte tokën, ka humbur jetën shtetasi., 72 vjeç“, thuhet në njoftimin e policisë.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Përplasen dy makina Vlorë, lëndohen dy persona

Një aksident është regjistruar këtë pasdite në aksin rrugor Vlorë-Novoselë.

Nga përplasja e dy makinave kanë mbetur të lënduar dy persona. Uniformat blu bëjnë me dije se të lënduarit janë transportuar me urgjencë në spital, jashtë rrezikut për jetën.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.