Vlorë/ Makina përplaset me shtyllën, raportohet për 5 plagosur

Mësohet se, një makinë tip taksi është përplasur me një shtyllë në anë të rrugës duke lënë të plagosur gjashtë persona mes tyre dy fëmijë të moshave 7 dhe 15 vjeç, të cilët ishin pasagjerë në mjet.

Bëhet me dije se, të plagosurit janë transportuar me ambulancë në spitalin e Vlorës, ndërsa nuk dihet ende gjendja e tyre shëndetësore.

“Rreth orës 17:20, në rrugën e fshatit Nartë, shtetasi S. D., 54 vjeç, duke drejtuar automjetin (taksi), dyshohet se ka humbur kontrollin dhe si pasojë automjeti ka dalë nga rruga.Si pasojë e aksidentit kanë mbetur të dëmtuar drejtuesi i automjetit dhe pasagjerët, shtetasit M. D., 45 vjeçe, L. P., 76 vjeç, E. P., 63 vjeçe dhe 2 fëmijë të moshave 7 dhe 15 vjeç, të cilët ndodhen në spitalin e Vlorës, nën kujdesin e mjekëve”, njofton policia.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.