Vlorë/ Makina humb kontrollin dhe del nga rruga, lëndohet pasagjerja

Shtetasi 52 vjeçar, duke drejtuar automjetin tip “Benz”, dyshohet se ka humbur kontrollin dhe për pasojë mjeti ka dalë nga rruga.

Si pasojë e këtij aksidenti, është lënduar shtetasja 42 vjeçare, pasagjere, e cila ndodhet në spitalin e Vlorës, jashtë rrezikut për jetën.

Njoftimi i policisë:

Vlorë/Informacion paraprak

Rreth orës 18:00, në aksin rrugor Vlorë-Kuç, në afërsi të fshatit Drashovicë, shtetasi, 52 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e mjetit dhe si pasojë mjeti ka dalë nga rruga.

Si pasojë është dëmtuar pasagjeria në këtë mjet, shtetasja, 42 vjeçe, e cila ndodhet në spitalin e Vlorës, jashtë rrezikut për jetën.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.

Makina përfundon në kanalin vaditës, lëndohet shoferi

Një automjet ka dalë nga rruga dhe për pasojë ka përfunduar në kanalin vaditës përgjatë rrugës në aksin rrugor Pushimi i Shoferit- Divjakë në vendin e quajtur pishat e Babunjës.

Drejtuesi i mjetit rreth 55 vjeç është dërguar me urgjencë ne spitalin e Lushnjës.

Policia ndodhet ne vendngjarje për të zbuluar shkaqet e aksidentit.

Kjo pjesë e rrugës për në Divjakë është piktoreske, por ka shumë kthesa. Rreth një vit më parë një i ri humbi jetën kur mjeti i tij përfundoi në kanalin përbri rrugës.

I dehur dhe pa kaskë mbrojtëse në motorr, 50-vjeçari i ofron para bluve për të shmangur ndëshkimin

Një 50-vjeçar është ndaluar nga Policia Rrugore në Tiranë. Mësohet se ai po drejtonte motomjetin në gjendje të dehur dhe pa kaskë mbrojtëse. Mirëpo, duket se burri nuk është mjaftuar me kaq, pasi i ka ofruar punonjësve të policisë një shumë parash, në mënyrë që të shmangte ndëshkimit.

Njoftimi i Policisë:

Vazhdojnë kontrollet e dedikuara për identifikimin dhe ndëshkimin e atyre që shkelin rregullat e qarkullimit dhe përbëjnë rrezik në rrugë.

Gjatë kontrolleve, Policia Rrugore e Tiranës ka zbuluar një rast të ofrimit të mitëdhënies, për të shmangur ndëshkimin administrativ dhe përgjegjësinë ligjore.

Deri më tani, janë identifikuar 80 raste të tentativave për korruptimin e punonjësve të Policisë Rrugore të Tiranës gjatë këtij viti.

Në një nga kontrollet parandaluese, Policia ka ndaluar shtetasin I. D., 50 vjeç, i cili drejtonte motomjetin pa kaskë mbrojtëse dhe nën efektin e alkoolit. Për të shmangur ndëshkimin, ai i ka ofruar punonjësve një shumë parash.

Pas këtyre veprimeve, është nisur procedimi penal ndaj 50-vjeçarit dhe materialet janë dërguar në Prokurori pranë Gjykatës së Shkallës së Parë të Tiranës.

Policia Rrugore e Tiranës bën thirrje që të gjithë përdoruesit e rrugës të respektojnë rregullat e qarkullimit dhe fton qytetarët të denoncojnë çdo shkelje në numrin 112.

Aksident i pazakontë në Fier, i moshuari humb kontrollin e automjetit dhe përfundon në… varreza

Një aksident i pazakontë ka ndodhur paraditen e kësaj të premteje pranë varrezave publike të qytetit të Fierit.

Një i moshuar që po drejtonte një automjet tip “volswagen” ka humbur kontrollin  e automjetit dhe ka dalë nga rruga duke përfunduar në varreza.

Në vendin e ngjarjes ka mbërritur policia, që e ka shoqëruar të moshuarin për të zbardhur rrethanat e aksidentit