Gara me makina te mbikalimi i Patokut, procedohet organizatori

9 muaj, 2 javë më parë - 4 Nëntor 2021, opinion
Gara me makina te mbikalimi i Patokut, procedohet organizatori
Policia ka proceduar penalisht dhe ka gjobitur një 35-vjeçar nga Tirana pasi ndaloi qarkullimin e automjeteve në aksin rrugor Lezhë-Mamurras dhe organizoi gara shpejtësie me makina.

Sikurse shihet në pamjet e shpërndara nga policia janë dy drejtues mjetesh që bëjnë gara me makinat e tyre. Ata realizonin video me qëllim publikimin në rrjetet sociale. Këto raste nuk kanë qenë të pakta në muajt e fundit në vendin tonë, pavarësisht ndëshkimit të drejtuesve nga policia.

Mësohet gjithashtu se ngjarja ka ndodhur disa ditë më parë ndërsa është bllokuar plotësisht qarkullimi i mjeteve  në aksin rrugor Lezhë-Mamurras, tek “Mbikalimi i Patokut”.

Krahas procedimit penal dhe gjobitjes me 150 mijë lekë të reja të shtetasit me inicialet E.K, policia bëri edhe bllokimin e automjetit të tij, i cili ishte dërguar për çmontim në një servis.

Support Ukraine