U përplas me “Benzin” e përfunduan në Lanë, procedohet penalisht shoferi i autobusit të Unazës

Shoferi i linjës së Unazës që u përfshi në aksidentin e ndodhur mbrëmjen e 29 prillit në Tiranë është proceduar penalisht. Njoftohet se Muhamet Kyçyku, 62 vjeç, është proceduar për veprën penale “Shkelja e rregullave të qarkullimit rrugor”.

NJOFTIMI

“Specialistët e Qarkullimit Rrugor proceduan penalisht shtetasin M. K., 62 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar mjetin tip autobus, është përplasur me mjetin me drejtues shtetasin J. R., dhe si pasojë e aksidentit, dy mjetet kanë rënë në lumin Lana.”

Kujtojmë se ndërsa drejtonte autobusin e linjës së Unazës, 62-vjeçari Kyçyku është përplasur me një automjet tip “Benz” në të cilin ndodheshin dy persona dhe të dy mjetet kanë përfunduar në Lanë.

 Për fat të mirë, si pasojë e aksidentit pati vetëm disa të lënduar lehtë. Në momentin që ndodhi përplasja, në autobus kishte një numër të konsiderueshëm pasagjerësh, ndërsa aksidenti ndodhi  pranë kinema “Agimit”.

Një tjetër autobus aksidentohet në Tiranë, bën copa stacionin, tjetri ra në Lanë

Pas autobusit të linjës së “Unazës së Re” i cili ra në Lanë të premten e 29 prillit, një tjetër urban është aksidentuar mesditën e sotme në Tiranë.

Autobusi i linjës “Qyteti Studenti- Jordan Misja” është përplasur në  kabinën e stacionit ku presin pasagjerët para maternitetit “Mbretëresha Geraldinë”, përballë Fakultetit të Shkencave të Natyrës në bulevardin “Zogu I”.

Nga pamjet e siguruara nga abcnews.al duket se xhami i përparmë i autobusit është thyer. Është thyer gjithashtu edhe xhami i stacionit.

Mësohet se nga aksidenti nuk ka të lënduar, përpos dëmeve materiale.

Policia ndodhet në vendngjarje për të zbardhur rrethanat e aksidentit.

Njoftimi i policisë 

Tiranë/Informacion paraprak

Më datë 02.05.2022, rreth orës 13:00, në bulevardin “Zogu I”, shtetasi D. Sh., duke drejtuar autobusin e linjës së Tiranës së Re, dyshohet se është përplasur me mbulesën e vendqëndrimit të stacionit të autobusit.

Si pasojë ka vetëm dëme materiale.

Grupi hetimor ndodhet në vendngjarje dhe po punon për sqarimin e rrethanave të aksidentit.

U prezantuan vetëm 1 javë më parë, autobusi për pak shkaktoi katastrofë, përfundoi në Lanë plot me pasagjerë

Një nga autobusët e linjës “Green Line” ka shkaktuar një aksident të rëndë mbrëmjen e së premtes në Tiranë, pasi është përplasur me një makinë, duke përfunduar të dy mjetet në Lanë.

Autobusi i Unazës “Green Line” i mbushur plot me pasagjerë është përplasur me një makinë benz, shkak dyshohet shpejtësia e lartë e autobusit me pasagjerë.

Pas përplasjes autobusi ka humbur drejtimin dhe ka marrë para benzin duke përfunduar të dy në Lanë, ndërkohë që ka patur dhe 5 persona të lënduar, dy pasagjerë të benzit dhe 3 në autobus.

Autobusët e flotës “Green Line”, të cilët kryejnë transportin e qytetarëve të Tiranës përgjatë Unazës së Vogël, u prezantuan javën e shkuar.

Kujtojmë që autobusët e Unazës dhe shoferët e tyre janë denoncuar shpesh në media, për shkak se ecin me shpejtësi të lartë, por jo pak herë disa nga drejtuesit e këtyre mjeteve janë kapur edhe me sasi të lartë alkooli, duke vënë në rrezik jo vetëm pasagjerët por edhe qytetarët dhe mjetet e tjera në rrugë.