Aksident i rëndë, makina përplas për vdekje këmbësorin në Fushë-Krujë

Sipas të dhënave të para, një automjet tip "Benz" me targa të Tiranës ka përplasur një këmbësor, rreth 50 vjeç, i cili nuk është identifikuar ende.

Ngjarja ka ndodhur rreth orës 05:00, pranë fshatit Arrameras.

Trupi i pajetë i viktimës është dërguar në morgun e Tiranës, ndërsa shoferi i mjetit është shoqëruar nga policia që ka nisur hetimet për zbardhjen e plotë të shkaqeve të aksidentit.

Vendi ku ndodhi aksidenti është një pikë e nxehtë e qarkullimit dhe vendburim aksidentesh pasi në një rreze prej 500 metrash kanë humbur jetën mbi 10 persona gjatë dy viteve të fundit dhe janë plagosur mbi 20 të tjerë.