Tentativë grabitjeje në Urën e Milotit/ ARRSH: Dëmtim i qëllimshëm i fugave metalike
Ura e Milotit ka pësuar këtë të enjte disa dëmtime në strukturën e vet. Përmes një njoftimi, Autoriteti Rrugor Shqiptar bën me dije se nga verifikimet rezulton se fugat metalike të urës janë dëmtuar si pasojë e një tentative grabitjeje gjatë orëve të natës.
Ky akt është referuar menjëherë pranë Drejtorisë Vendore të Policisë Lezhë, pasi përbën jo vetëm dëmtim të pronës publike, por edhe rrezik të drejtpërdrejtë për sigurinë e mjeteve që qarkullojnë në këtë aks rrugor.
ARRSH sqaron se aktualisht, dëmtimi është riparuar nga grupet e mirëmbajtjes dhe qarkullimi në Urën e Milotit vijon normalisht.
Lajmet përkatëse
