Moti i keq në vend, ARRSH jep gjendjen e rrugëve

14 Janar 2019 - opinion

Moti i keq në vend, ARRSH jep gjendjen e rrugëve

Autoriteti Rrugor Shqiptar në një njoftim për mediat bën me dije gjendjen e rrugëve në të cilat ditët e fundit ka pasur probleme nga reshjet e dëborës.

Sipas njoftimit të ARRSH, thuhet se është punuar edhe gjatë natës për të pastruar rrugët, por sërish në disa zona të cilat janë më problematike kalimi bëhet me zinxhir.

NJOFTIMI I PLOTË

Njoftim për median dhe opinionin publik mbi gjendje e akseve kryesore të vendit

Në Rajonin Jugor Gjirokastër: Gjatë gjithë natës kontraktorët kanë punuar dhe vazhdojnë të punojnë për pastrimin dhe shpërndarjen e kripës.

Në të gjitha akset kombëtare të këtij Rajoni ku përfshihen rrugët e qarkut të Korçës, Vlorës dhe Gjirokastrës qarkullimi kryhet pa zinxhir.

Në Rajonin Verior Shkodër: Kontraktorët kanë punuar gjatë gjithë natës dhe vazhdojnë të punojnë për pastrimin dhe shpërndarjen e kripës.

Në të gjitha akset e këtij Rajoni ka përmirësim të dukshëm të gjendjes së akseve.

Segmentet rrugore ku rekomandohen zinxhirët:

  • Qafë Mali-Fierzë
  • Ura e Cerenecit-Steblevë
  • Qafë Bualli-Krastë
  • Trebisht-Doganë

Segmentet rrugore ku rekomandohen pjesërisht me zinxhir

  • Kuben-Vasije
  • Peshkopi-Qafë Draje
  • Peshkopi-Ushtelencë
  • Domaj-Draj Rec
  • Bulqizë-Fushë Bulqizë

Në Rajonin Qendror Tiranë: Puna nga ana e kontraktorëve vazhdon për pastrimin e akseve dhe shpërndarjen e kripës.

Në akset e mëposhtme qarkullohet pjesërisht me zinxhir.

  • Rrugët e Dajtit (Qafë Priskë – Qafë Mollë, Qafë Priskë – Shëngjergj)
  • Rruga Lunik –Steblevë
  • Krujë-Sarisalltik

Në akset e tjera të këtij Rajoni qarkullimi kryhet normalisht pa zinxhirë.

Për shkak të temperaturave të ulëta, rekomandohen përdoruesit e rrugës të bëjnë kujdes, të lëvizin me shpejtësi të reduktuar dhe të përdorin gomat e dimrit.

Gjithashtu gjatë lëvizjes duhet të respektojnë sinjalistikën rrugore.

Shiteni Makinën Tuaj