Të dehur në timon dhe me shpejtësi skëterrë, policia arreston 4 shoferë

Shpejtësia tej normave të lejuara dhe drejtimi i automjetit në gjendje të dehur i ka kushtuar patentën 20 shoferëve në Tiranë por ka patur edhe arrestime.

Policia njofton se për disa orë kontroll gjatë mbrëmjes së të shtunës dhe deri në orën 01:00 të mëngjesit të sotëm, janë evidentuar 10 drejtues mjetesh që qarkullonin me  shpejtësi  që varionin 138 km/h – 168 km/h në aksin Sauk – TEG.

Kontrollet kanë vijuar dhe vijojnë në rrugët e kryeqytetit duke përdorur dragerat  dhe si rezultat i kontrolleve janë evidentuar 10 drejtues mjetesh  duke drejtuar mjetet në gjendje të dehur.

4 drejtues mjetesh të arrestuar, nga të cilët 3 për drejtim mjeti  në gjendje të dehur dhe 1 që drejtonte mjetin  pa Leje Drejtimi

Edhe pse kontrollet janë shtuar sëtepërmi në këto akse me rrisk, edhe pse gjatë fundjavës ka akoma më shumë kontroll, përsëri ka shumë drejtues mjetesh që abuzojnë me shpejtësinë dhe me alkoolin në timon.