Të dehur dhe me shpejtësi skëterrë deri në 177 km/h, arrestohen dy shoferë
Dy shoferë u arrestuan gjatë mbrëmjes së djeshme pasi u kapën duke drejtuar automjetin në gjendje të dehur në aksin Tiranë – Durrës.
Policia Rrugore ka ushtruar mbrëmjen së shtunës kontrolle të vazhdueshme në autostradën Tiranë – Durrës ku janë evidentuar jo pak shkelje të rregullave të qarkullimit.
Nga monitorimi me radar, u kapën duke drejtuar automjetin me shpejtësi 137 km/h deri në 177 km/h, 11 shoferë të cilëve iu hoq leja e drejtimit pasi shpejtësia maksimale e lejuar ishte 90 km/h.
U ndaluan gjithashtu 10 shoferë që drejtonin mjetin në gjendje të dehur, të cilëve iu hoq gjithashtu leja e drejtimit. Ndrësa dy drejtues mjetesh u arrestuan pasi drejtonin mjetin në gjendje të dehur dhe njëri prej tyre kishte dalë nga rruga , fatmirësisht pa dëme në njërëz.
