Skandali/ Policia e shtetit nuk zbaton vendimin e gjykatës, bllokon makinat e Birra Tirana. Drejtoritë e policive “ping-pong” me njëra-tjetrën

7 muaj, 3 javë më parë - 11 Prill 2022, Gazeta Shqiptare
Skandali/ Policia e shtetit nuk zbaton vendimin e gjykatës, bllokon makinat e Birra Tirana. Drejtoritë e policive “ping-pong” me njëra-tjetrën
E gjithë flota e makinave të Birra Tirana është bllokuar sepse Policia e Shtetit refuzon të zbatojë një vendim gjykate.

E gjithë flota e makinave të Birra Tirana është bllokuar sepse Policia e Shtetit refuzon të zbatojë një vendim gjykate. Prej një viti vazhdon kalvari i shkresave dhe komunikimeve të një prej bizneseve më të mëdha në Tiranë, me Policinë e Policinë e Shtetit, institucioni që e ka për detyrë zbatimin e ligjit dhe zbatimin e vendimit të gjykatave.

Drejtoresha juridike në policinë e shtetit Enkela Prifti nuk përgjigjet për këtë skandal, për të cilin është kryesisht përgjegjëse. Situata e paprecedentë vijon që nga muaji maj i vitit të kaluar, dhe sektorët e drejtorisë së Policisë së Shtetit bëjnë pin-pong burokratik me njëri-tjetrin duke refuzuar të zbatojnë vendimin e gjykatës.

Gjithçka nisi nga një mosmarrëveshje që shoqëria tregtare Birra Tirana pati me një shoqëri tjetër tregtare e cila iu drejtua gjykatës dhe kjo e fundit vendosi nën sistemin alert mjetet e transportit të birra Tiranës. Avokati i Birra Tiranës Erjon Kanxheri thotë se pas njoftimit se mjetet po bllokoheshin nga përmbaruesi gjyqësor Brahim Mucca, birra Tirana iu drejtua gjykatës e cila në maj 2021 vendosi pezullimin e këtij vendimi por Policia e Shtetit hesht dhe nuk njeh atë.

Sipas avokatit shoqëria tregtare ka pasur disa herë korrespondenca me policinë por situate nuk ka ndryshuar dhe ky institucion nuk mban një qëndrim të qartë.

Bllokimi i të gjithë flotës së mjeteve e ka dëmtuar këtë biznes pasi përpiqet me mjete alternative të çojë produktin tek konsumatori duke shtuar kostot financiare në kohë krize.

Hapi i vetëm që i ka mbetur Birra Tiranës për të reaguar në këtë situatë është të padisë Policinë e shtetit për dëmet që I ka shkaktuar shoqërisë duke vepruar në paligjshmëri.

Support Ukraine