Policia e Pogradecit bëhet shembull, ndalon dhjetëra makina luksoze

17 Janar 2018 - Gazeta Shqiptare

Policia e Pogradecit bëhet shembull, ndalon dhjetëra makina luksoze

Policia Rrugore e Pogradecit ka qenë e angazhuar në parandalimin e aksidenteve rrugore, arrestimin e personave që qarkullojnë me armë, kapjen e personave ne kërkim për parandalimin dhe goditjen e trafiqeve të paligjshme, si dhe për parandalimin e vjedhjes së pronës.

Policia e Pogradecit vetëm në ditët e para të fillim vitit janë dërguar në OASH 58 drejtues mjetesh për shkelje të ndryshme të Kodit Rrugor.

Te gjithë drejtuesit e mjeteve janë kaluar në sitë duke u fokusuar makinat luksoze, te cilat janë kontrolluar imtësish.

Gjithashtu janë vendosur 88 masa administrative, nga këto:

47 për mos vendosje të rripit të sigurimit.

10 për xhama të errësuar.

14 për përdorim të celularit gjatë drejtimit të mjetit.

8 për mos përdorim të kaskës mbrojtëse.

8 për kontroll teknik.

Gjithashtu nuk është evidentuar asnjë drejtues mjeti që të drejtojë mjetin nën efektin e alkoolit apo në gjendje të dehur.

Po gjatë këtyre dy javëve janë kapur dy persona në kërkim për vepra të ndryshme penale.

Janë evidentuar 13 vepra penale nga të cilat 12 prej tyre janë zbuluar.

Po punohet në bashkëpunim të ngushtë me Prokurorinë për zbardhjen e ngjarjes me lëndë shpërthyese ndodhur më datë 10.01.2018, në Volorekë.

Policia e Pogradecit falënderon qytetarët për bashkëpunimin, ku ky bashkëpunim tregohet qartë në numrin e telefonatave që kanë ardhur në Sallën Operative.

Policia e Pogradecit duke çmuar si mjaft të domosdoshëm besimin dhe bashkëpunimin e qytetarëve, i fton ata të telefonojnë në numrat pa pagesë 129 e 0800 90 90 për çdo sjellje të pa hijshme apo abuzim me detyrën nga punonjësit e Policisë, duke garantuar reagim të shpejtë e të paanshëm.

Shiteni Makinën Tuaj