“Shqipëria do të eksportojë makina ushtarake të gjeneratës së fundit”- Rama

Kryeministri Edi Rama është shprehur se janë duke finalizuar një partneritet strategjik me një nga kompanitë më të mëdha të botës në fushën e industrisë ushtarake.

Rama theksoi se prodhimet do të jenë “Made in Albania” dhe sipas tij, Shqipëria do të eksportojë në tregje të tjera makina ushtarake të gjeneratës së fundit.

Rama: Shqipëria po përjeton një kthesë për të cilën ne jemi përpjekur për një kohë të gjatë dhe tanimë kthesa është në dinamikën e vetë. Unë këtu kur hyra pashë Arielën që është në radhën e parë, që është themeluesja dhe udhëheqja e një sipërmarrje shumë të guximshme. Që në momentin e parë mund të ketë qenë edhe një lloj aventure, që përveç të atit, askush tjetër nuk ka menduar se vajza është normal.

Po punojmë me Ariel për një partneritet strategjik me një nga kompanitë më të mëdha të botës në fushën e industrisë ushtarake dhe besoj se dje kemi arritur ta kurorëzojmë në linjat e përgjithshme këtë partneritet. Besoj do të bëhet publik së shpejti dhe do të sjellë në Shqipëri jo vetëm qindra miliona në industrinë ushtarake që po e ndërtojmë nga e para.

Do ta bëjë Shqipërinë, falë Arielës, fale kompanisë së saj që do të jetë kompani referimi, por prodhimet do të jenë Made in Albania dhe Shqipëria do të eksportojë në tregje të tjera makina ushtarake të gjeneratës së fundit. Kjo është diçka që ndodh sot dhe nuk mund të ndodhte dot deri disa vite më parë.