Shkaktoi aksidentin me vdekjen e pasagjerit 37-vjeçar, policia arreston shoferin: Ishte në gjendje të dehur

Sipas policisë, i riu është arrestuar pasi drejtonte makinën në gjendje të dehur.

“Në vijim të informacionit paraprak të dhënë mbrëmjen e djeshme, për një aksident rrugor në aksin “Kuçovë-Belsh”, ju bëjmë me dije se specialistët e Sektorit të Qarkullimit Rrugor arrestuan në flagrancë shtetasin K. K., 21 vjeç, banues në Belsh, pasi duke drejtuar në gjendje të dehur, automjetin, ka humbur kontrollin mbi drejtimin e tij, automjeti është përplasur me mbrojtësen metalike të rrugës dhe si pasojë ka ndërruar jetë shtetasi U. Sh., 37 vjeç, pasagjer në këtë automjet”, thuhet në njoftimin e policisë.

Aksident në Malësi të Madhe, i riu përplas për vdekje 77-vjeçarin!

Një aksident me pasojë një të vdekur ka ndodhur mëngjesin e kësaj të diele në rrugën Shkodër-Koplik. Sipas policisë, një 24 vjeçar banues në Maqedoninë e Veriut ka përplasur për vdekje një të moshuar nga Malësia e Madhe.

Njoftimi i Policisë:

“Rreth orës 05:40, në aksin rrugor Shkodër – Koplik, mjeti me drejtues shtetasin E. I., 24 vjeç, banues në Gostivar, Maqedoni e Veriut, ka përplasur shtetasin këmbësor M. P., 77 vjeç, banues në Omaraj, Malësi e Madhe.

Nderkohe grupi hetimor ndodhet në vendngjarje dhe vijon punën për sqarimin e rrethanave të aksidentit.