Shkak dyshohet shpejtësia, “Benzi” dhe “Audi” bëhen copash në Berat

Shkak dyshohet shpejtësia, “Benzi” dhe “Audi” bëhen copash në Berat

Një aksident është regjistruar mbrëmjen e sotme në lagjen “Dëshmorët e Kombit”, pranë shkollës Kristaq Capo në Berat.

Në pamjet e siguruara nga Abc, shihet se dy mjetet, njëri tip “Benz” dhe tjetri tip “Audi” janë përplasur me njëri-tjetrin duke u bërë copash.

Si pasojë e aksidentit janë lënduar lehtë dy drejtuesit e mjeteve.

Ata janë dërguar për mjekim në Spitalin Rajonal të Beratit dhe janë jashtë rreziku për jetën.

Në vendngjarje kanë shkuar efektivë të policisë rrugore që po punojnë për zbardhjen e shkaqeve dhe dinamikës së aksidentit.

Paraprakisht mendohet se shkak për këtë aksident është bërë shpejtësia.

Sipas burimeve në vendngjarje dy të rinjtë ishin duke qarkulluar me shpejtësi dhe kanë humbur kontrollin e mjeteve.

Përplasen motorët, tre të lënduar në Lezhë

Një aksident me tre të lënduar ka ndodhur mëngjesin e së mërkurës në Lezhë. Mësohet se dy motoçikleta janë përplasur në aksin rrugor Lezhë-Shkodër e për pasojë të lënduar kanë mbetur dy drejtues dhe një pasagjer.

Në vendin e ngjarjes policia e Lezhës po kryen ekspertizën mbi shkaqet e aksidentit. 

Aksidentohet autoboti me gaz te Rruga e Kombit, bllokohet segmenti Milot-Rubik

Aksidentimi i një autoboti të mbushur me gaz, ka sjellë bllokimin e rrugës së Kombit në segmentin Milot-Rubik.

Për shkak të rrezikshmërisë që paraqet mjeti i mbushur me gaz, prej 1 ore policia ka devijuar qarkullimin e automjeteve për nga rruga e vjetër Milot-Rubik.

Një vinç i lartë në bashkëpunim me zjarrfikëset po punojnë për largimin e autobotit.

Mësohet se autoboti doli nga rruga dhe u përmbys pasditen e kësaj të mërkure.