Sezoni turistik, kontroll i imtësishëm për mjetet lundruese në Vlorë
Në prag të nisjes së sezonit turistik, shërbimet e Policisë Kufitare të Vlorës kanë shtuar kontrollet në det për rritjen e parametrave të sigurisë detare.
Gjatë kontrolle me mjete lundruese të Policisë Kufitare Triport – Kepi i Gjuhëzës, Shën Jan – Shën Vasil, brenda gjirit të Vlorës, janë verifikuar 12 mjete lundrimi për peshkim, 28 mjete për argëtim, si dhe 19 mjete turistike.
Policia Kufitare ka ndëshkuar me masë administrative 10 000 lekë të rinj, drejtuesin e një gomoneje pasi gjatë verifikimeve ka rezultuar se kishte mungesë të dokumentacionit, si dhe kishte udhëtuar me mjetin në Karaburun, duke rrezikuar jetën e personave në bord.
Po ashtu është bllokuar një mjet lundrues argëtimi, pasi përdoruesi i tij nuk dispononte dokumentacionin përkatës.
