Sërish aksident në rrugën e Arbrit, fugoni i mallrave përplaset me “Audi-n”

Përplasja e një mjeti tip “Audi” me një fugon mallrash ka shkaktuar radhë të gjata në të dy drejtimet.

Nga aksidenti kanë mbetur të lënduar drejtuesit e mjeteve.

Në vendin e ngjarjes mbërritën edhe dy autoambulanca të cilat ju dhanë asistencë mjekësore personave që ndodheshin në të dy automjetet.

Policia gjithashtu ndodhet vendngjarjes, ndërsa po punohet për zhbllokimin e lëvizjes së mjeteve.

Aksident në aksin Elbasan-Rrogozhinë/ 57-vjeçarin humb kontrollin e makinës dhe përplaset me mbrojtëset metalike të rrugës, transportohet në spital

Një aksident automobilistik ka ndodhur në aksin Elbasan – Rrogozhinë, në fshatin Karinë, ku një automjet me drejtues shtetasin S.S, 57-vjeç ka humbur kontrollin e automjetin dhe është përplasur me mbrojtëset metalike të rrugës.

Si pasojë e përplasjes, 57-vjeçari ka marrë dëmtime dhe është dërguar në spital, ku ndodhet nën kujdesin e mjekëve, jashtë rrezikut për jetën,

Grupi hetimor  po punon për përcaktimin e shkaqeve të aksidentit.

Njoftimi i policisë:

Elbasan/Informacion paraprak

Në aksin rrugor “Elbasan-Rrogozhinë”, në fshatin Karinë, automjeti me drejtues shtetasin S. S., 57 vjeç, banues në Elbasan është përplasur me mbrojtësen metalike të rrugës.

Nga përplasja është dëmtuar 57-vjeçari dhe ndodhet në kujdesin e mjekëve, jashtë rrezikut për jetën.

Grupi hetimor po punon për përcaktimin e shkaqeve të aksidentit.