Rrëshqitje masive dheu në Rrugën e Arbrit, bllokohet qarkullimi nga Tirana/ Orteku bllokon 15 turistë në Theth

Sikurse raporton BW, një masiv i madh dheu është shembur pak metra larg hyrjes së tunelit, duke bllokuar totalisht qarkullimin e automjeteve në drejtim të Tiranës dhe qyteteve të Qarkut Dibër.

Masivi i dheut i rënë prej afro 1 ore ka bërë që dhjetëra mjete që ishin nisur drejt Tiranës të bllokohen në rrugë duke krijuar varg të gjatë makinash. E njëjta situatë është krijuar edhe në Byppas ku vargu i automjeteve është krijuar deri në Qafën e Murrizit.

Deri tani firma nuk ka ndërhyrë për pastrimin e dheut, ndërsa pritet që policia të bllokojë kalimin në këtë aks rrugor me postoblloqe në fshatin Fshat dhe Bastar të Tiranës.

Si pasojë e motit të keq disa akse në vendin tonë kanë mbetur të bllokuara. Situatë e vështirë është edhe në Qafë-Thorë të Thethit, ku një ortek dëbore ka bllokuar rrugën e  për pasojë 15 turistë kanë mbetur të bllokuar.

Lajmi është bërë i ditur nga Autoriteti Rrugor Shqiptar, për qarkun e Shkodrës, teksa bëjnë me dije se kanë nisur punimet për të bërë zhbllokimin e rrugës.

“Situata në përgjithësi në territorin e Qarkut është e qetë, ndërsa sipas informacioneve të marra  nga Autoriteti Verior, në orët e vona të natës dhe të mëngjesit të ditës sotme, kane rëne disa ortekë te tunelet të cilat kane bllokuar përsëri për momentin segmentin e Qafë Thores. Po punohet nga strukturat e Autoritetit Verior në dy krahët për të bërë të mundur hapjen e rrugës”, thuhet në njoftim.

Kujtojmë që, një ditë më parë, si pasojë e reshjeve të dendura të borës mbeti e bllokuar për disa orë rruga Bogë-Theth. Orteku që kishte bllokuar rrugën u hoq dhe qarkullimi nisi të kryhej pa problem.

Vendi ynë prej disa ditësh është përfshirë nga moti i keq me reshje dhe me temperatura të ulëta.

Autoriteti Rrugor Shqiptar përmes një postimi në rrjetin social Facebook, bën me dije situatën e krijuar nga moti i keq sidomos në zonat ku ka pasur reshje bore.

Sipas ARRSH reshje bore ka pasur në Korçë-Ersekë, Dardhë, në Kukës-Bushtricë, Kukës-Ura e Zapodit, në Valbonë, por fatmirësisht qarkullimi i automjeteve bëhet pa problem në të gjithë akset.

“Gjatë natës dhe në orët e para të mëngjesit ka pasur reshje shiu dhe dëbore në Korçë-Ersekë, Dardhë, në Kukës-Bushtricë, Kukës-Ura e Zapodit, në Valbonë. Qarkullimi kryhet pa probleme në të gjitha akset nacionale pasi është punuar me pastrimin dhe shpërndarjen e kripës. Drejtuesit e mjeteve duhet të bëjnë kujdes në lëvizje, sidomos gjatë natës dhe në orët e para të mëngjesit, të respektojnë sinjalistikën rrugore të reduktojnë shpejtësinë të ndjekin udhëzimet e Policisë Rrugore”, shkruhet në postimin e ARRSH.

Aksident i rëndë në aksin Levan-Tepelenë/ Makina përplaset me motorin, plagoset 75-vjeçari

Një aksident i rëndë është regjistruar disa minuta më parë në aksin rrugor Levan-Tepelenë, ku një person ka mbetur i plagosur. Ngjarja ndodhi rreth orës 13:00, në fshatin Kafaraj.

Burime zyrtare nga policia bënë me dije se shtetasi me inicialet A. Xh., 52 vjeç, duke drejtuar automjetin tip “Toyota” është përplasur me motomjetin me drejtues shtetasin M. H., 75 vjeç, e për pasojë është dëmtuar ky i fundit, i cili ndodhet në spital nën kujdesin e mjekëve.

Grupi hetimor po punon për zbardhjen e shkakut të këtij aksidenti.