Pogradec/ Makina e përplas duke ecur mbrapsht, plagoset biçiklisti, dërgohet në spital

Pogradec- Një aksident rrugor ka ndodhur sot (4 Dhjetor), rreth orës 15:00 të pasdites, në qytetin e Pogradecit, në zonën e njohur si terminali i vjetër.

Sipas informacioneve paraprake, dyshohet se një automjet gjatë lëvizjes mbrapsht të makinës ka goditur një person që po udhëtonte me biçikletë. 

Ky i fundit është dërguar në spitalin e Pogradecit, me dëmtime të lehta, ndërsa aktualisht grupi hetimor po punon me zbardhjen e rrethanave të ngjarjes dhe shkaqeve.

Në pamjet e dërguara nga gazetari i Report TV, Armand Braho, duket mjeti veturë tip "Ford" me ngjyrë të bardhë dhe me targa AA851XX dhe pranë tij mjeti biçikletë e dëmtuar nga goditja, mbi asfalt. Policia rrethoi vendngjarjen dhe nisi hetimet, ku pritet gjithashtu ekspertimi auto-teknik për shkakun.

Aksident në Korçë/ Motori përplaset me makinën, 1 i plagosur

Një aksident ka ndodhur sot në Korçë, në afërsi të fshatit Sovjan.

Burime për Report Tv informojnë se një motor dhe një makinë janë përplasur me njëra-tjetrën.

Si pasojë e përplasjes ka mbetur i plagosur drejtuesi i motorit.

Raportohet se i plagosuri ndodhet në spital jashtë rrezikut për jetën.

Policia ndodhet në vendin e ngjarjes për zbardhjen e shkaqeve të aksidentit.