Përkeqësimi i motit, ARRSH tregon situatën e akseve kombëtare

31 Dhjetor 2020 - Gazeta Shqiptare

Përkeqësimi i motit, ARRSH tregon situatën e akseve kombëtare

Pas përkeqësimit të kushteve atmosferike në vend, Autoritetit Rrugor Shqiptar ka njoftuar qytetarët lidhur me situatën që paraqitet në akset kryesore të vendit.

Përmes një postimi të publikuar në faqen zyrtare në “Facebook” ARRSH thotë se autoritetet janë duke punuar që qarkullimi të vijojë normalisht.

Ndërkohë  ARRSH bën me dije se:

-Në rajonin Verior kryesisht në qarkun Kukës dhe pjesërisht në Dibër ka pasur reshje bore gjatë natës.

-Në segmentin Pukë-Fushë Arrëz-Kukës, ka pasur reshje dëbore, është bërë pastrimi dhe shpërndarja e kripës

-Në segmentin Bulqizë-Peshkopi ka pasur reshje të dobëta dëbore, rruga është pastruar dhe qarkullimi vazhdon normalisht

-Në të gjitha akset kontraktorët kanë punuar me mjete dhe fuqi punëtore për mbajtjen hapur të akseve. Qarkullimi vazhdon normalisht dhe pa zinxhirë në të gjitha akset.

Ndërkohë gjatë mesnatës verilindja është zbardhur nga reshjet e dëborës të cilat kanë arritur nga 4 deri në 15 cm në zonat malore.

Ndërsa mjetet dhe makineritë borëpastruese kanë punuar gjatë gjithë segmentit nga Kalimashi në Morinë për pastrimin e borës dhe hedhjen e kripës

Aksident i rëndë në Fier, humbin jetën dy persona

Një aksident i rende ka ndodhur në aksin rrugor Levan-Fier, me pasojë vdekjen e dy personave.

Burimet nga vendngjarja raportojnë se dyshohet që trupat e viktimave janë brenda makinës.

Mësohet se mjeti ka dalë nga rruga, ndërsa viktimat janë një burrë dhe një grua, identiteti dhe mosha e të cilëve nuk dihet ende.

Informacion paraprak

Sot rreth orës 07:20, në vendin e quajtur “Kthesa e Qarrit”, automjeti tip “Toyota” ka rënë në kanalin me ujë anës rrugës.

Si pasojë kanë ndërruar jetë dy shtetas (një mashkull dhe një femër) ende të paidentifikuar.

Shërbimet e Policisë, shërbimet zjarrfikëse dhe urgjenca mjekësore ndodhen në vendngjarje dhe po punojnë për nxjerjen e automjetit nga uji.

Po kontrollohet vendi i ngjarjes nëse ka pasur persona të tjerë në automjet.

Aksident në Berat, plagoset rëndë oficeri i ushtrisë

Një aksident i rëndë ka ndodhur mesditën e sotmë në aksin rrugor Berat-Polican,në vendin e quajtur “Uznovë e madhe”. Dy mjete janë përplasur ‘kokë më kokë’ me njëra-tjetrën dhe si pasojë e përplasjes, njëri nga mjetet ka përfunduar në oborrin e një banese në anë të rrugës.

Ka qënë mjeti tip Furgon,me targa AA 462 AM dhe nje makinë tip ”Hunday” ,me targa AA 259 FT mjetet që janë përplasur. Furgoni është përmbysur në rrugë, ndërkohë që mjeti ”Hunday” ku udhëtonte ushtaraku është shkatërruar totalisht dhe është këputur në mes.

Si pasojë e aksidentit është plagosur rëndë drejtuesi i mjetit Hunday, 41-vjeçari Altin Hoxha, nga Gramshi, që punonte oficer në një Repart Ushtarak në qarkun e Beratit. Në vendngjarje mbërritën forcat e zjarrëfikësve, që bën të mundur edhe nxjerrjen e të plagosurit nga mjeti i shkatërruar.

I plagosuri Hoxha është dërguar në Spitalin Rajonal të Beratit dhe ndodhet nën kundesin e mjekëve. Drejtuesi i furgonit ka dalë pa lëndime nga mjeti,ndërkohë që në vendngjarje kanë shkuar forca të shumta policie,që po kryejnë edhe kqyrjen e vendit të ngjarjes. Paraprakisht mendohet se,shkak për këtë aksident është bërë shpejtësia me të cilën ishin duke udhëtuar dy mjetet (njëri në dalje dhe tjetri në hyrje të qytetit) dhe lagështira,që ka devijuar kontrrollin e mjeteve gjatë frenimit të tyre.