Parakalimet e rrezikshme te tuneli i Murrizit, “nami” me gjoba në 2 javë
Hapja për qarkullim e tunelit të Murrizit ka shtuar fluksin e lëvizjes drejt zonës së Dibrës, e bashkë me të edhe sjelljet e papërgjegjshme të drejtuesve të mjeteve gjatë lëvizjes në Rrugën e Arbrit.
Policia Rrugore bën me dije se ky aks rrugor është monitoruar me dronë, radarë, kamera, makina inteligjente dhe patrulla 24/7, me qëllim parandalimin e aksidenteve rrugore.
Në njoftim nënvizohet se përgjatë dy javëve të fundit në Tunelin e Murrizit janë ndëshkuar 165 drejtues automjetesh me masë administrative 40000 lekë të rinj dhe me zbritje prej 15 pikësh nga leja e drejtimit.
Po ashtu sqarohet se në bashkëpunim me administratorët e mirëmbajtjes së tuneleve, po monitorohen 24/7 lëvizjet në tunele dhe pamjet filmike të kamerave dhe radarëve të tuneleve administrohen nga Policia Rrugore.
Lajmet përkatëse
