Kreu manovra të rrezikshme në rrugë, policia gjobit me 400 mijë lekë shoferin në Dibër

1 muaj, 1 javë më parë - 14 Gusht 2023, opinion
Kreu manovra të rrezikshme në rrugë, policia gjobit me 400 mijë lekë shoferin në Dibër
Policia e Dibrës ka ndëshkuar me një gjobë të majme një shofer, pasi kreu manovra të rrezikshme në rrugë.

Pas publikimit të një video në disa rrjete sociale, shihet drejtuesi i automjetit i cili po kryente manovra të rrezikshme në mbikalimin mes qytetit të ri dhe të vjetër në Bulqizë.

Uniformat blu kanë bërë menjëherë identifikimin dhe ndalimin e drejtuesit të automjetit, së bashku me mjetin përkatës, ku ndaj tij u vendos masa administrative me vlerë 40 mijë lekë të rinj.

Kreu manovra të rrezikshme, Policia Rrugore e Dibrës, identifikon dhe ndëshkon drejtuesin e automjetit.

Në disa rrjete sociale është postuar një video, ku një automjet, drejtuesi i së cilës kryen manovra të rrezikshme duke u bërë rrezik për veten dhe përdoruesit e tjerë të rrugës, në mbikalimin mes qytetit të ri dhe të vjetër në Bulqizë.

Falë punës intensive, është bërë identifikimi dhe ndalimi drejtuesit të automjetit, sëbashku me mjetin përkatës.

Për kundërvajtjen e kryer ndaj tij u vendos masa administrative me vlerë 40 mijë lekë të rinj, referuar ligjit numër 8378 datë 22.07.1998 “Kodi Rrugor i Republikës së Shqipërisë i ndryshuar; neni 139 paragrafi 3”, thuhet në njoftimin e policisë.

Makina përplaset me furgonin, dyshohet për një viktimë

Një aksident i rëndë ka ndodhur në afërsi të fshatit Jorgucat në Bashkinë Dropull. Dy automjete, një veturë dhe një furgon, janë përplasur me njëri-tjetrin. Sipas Klan Neës dyshohet për 1 person të vdekur, bari i zonës dhe një tjetër i plagosur rëndë.

Në vendngjarje kanë shkuar forcat e zjarrfikëses së Dropullit dhe të Policisë Rrugore për të hetuar shkaqet e aksidentit. Mjetet dyshohet se janë përplasur si pasojë e shpejtësisë së lartë të autoveturës që u ndesh me furgonin.

Nga Ksamili në Velipojë, bllokohen 32 mjete lundruese. Rrezikuan jetën e plazhistëve

Policia Kufitare ka bllokuar 32 mjete lundruese nga Ksamili në Velipojë.

Mjetet e bllokuara janë 16 Jet Ski, 6 gomone, 8 skafe dhe 2 mjete lundruese turistike.

Krahas bllokimit të mjeteve lundruese, drejtuesit e tyre u ndëshkuan me gjobë që varion nga 10 000 deri në 100 000 lekë të rinj.

Njoftimi i plotë

Departamenti i Policisë Kufitare/ Angazhim maksimal i shërbimeve të Policisë Kufitare dhe i atyre të Njësisë Policore Detare, për sigurinë e pushuesve.

Përgjatë gjithë vijës bregdetare, hapësirave liqenore dhe atyre lumore, Njësia Policore Detare dhe Policia Kufitare vijojnë verifikimet ndaj mjeteve lundruese, me qëllimin e vetëm parandalimin e incidenteve me pasoja për jetën dhe shëndetin e pushuesve.

Nga Ksamili në Velipojë, Policia Kufitare ka bllokuar 32 mjete lundruese. Mjetet e bllokuara: 16 Jet Ski, 6 gomone, 8 skafe  dhe  2 mjete lundruese turistike. 0 mjete lundruese janë bllokuar nga Ksamili në Vlorë, 9 mjete lundruese janë bllokuar nga Durrësi në Shëngjin dhe 3 mjete lundruese  janë bllokuar në Velipojë. Shkeljet e konstatuara: lundrim/bregëzim jashtë zonës së përcaktuar duke rrezikuar jetën e plazhistëve, ushtrim i aktivitetit të turizmit detar në kundërshtim me ligjin, mosregjistrim i mjetit lundrues brenda afatit të përcaktuar dhe mungesë dokumentacioni. Krahas bllokimit të mjeteve lundruese, drejtuesit e tyre u ndëshkuan me masa administrative që variojnë nga 10 000 deri në 100 000 lekë të rinj.      mjete lundruese turistike, 13 Jet Ski, 4 gomone dhe 3 skafe, u bllokuan në Ksamil, Dhërmi, Triport dhe Durrës.

Krahas masës së bllokimit, pronarët e këtyre mjeteve janë ndëshkuar secili, me masa administrative  nga 20 000 deri në 100 000 lekë, pasi janë konstatuar nga shërbimet e Policisë Kufitare dhe të Njësisë Policore Detare, brenda perimetrit të sigurisë, duke rrezikuar jetën e plazhistëve. Ndërkaq, 2 mjetet lundruese turistike u konstatuan teksa e ushtronin aktivitetin, në kundërshtim me ligjin. 10 mjete të tjera lundruese, nga të cilat 3 Jet Ski, 5 skafe dhe 2 gomone, u bllokuan, dhe secili nga pronarët e këtyre mjeteve lundruese, u ndëshkua me masën administrative 10 000 lekë, për mungesë dokumentacioni. 

Policia Kufitare apelon për të gjithë përdoruesit e mjeteve lundruese, që të vijojnë të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete, me qëllim që ata dhe pushuesit e tjerë të jenë të sigurtë dhe të qetë. 

Gjithashtu, fton qytetarët që për çdo rast të shkeljes së perimetrit të sigurisë dhe të përdorimit të mjeteve lundruese në mënyrë të parregullt, të denoncojnë në numrin pa pagesë 112, duke iu garantuar reagim të shpejtë, në bazë të ligjit.

Support Ukraine