Përkeqësimi i motit/ “Rrugorja” apel drejtuesve të mjeteve

Përkeqësimi i motit/ “Rrugorja” apel drejtuesve të mjeteve

Për shkak të përkeqësimit të kushteve atmosferike në vend, Policia Rrugore u ka bërë apel drejtuesve të mjeteve për më shumë kujdes në të gjitha akset rrugore pasi rreziku për t’u përfshirë në aksidente rrugore është i madh.

Kjo për shkak të lagështirës në rrugë, rënies së gurëve dhe inerteve nga rrjedhjet e shiut, si dhe si pasojë e shkeljeve të rregullave të qarkullimit rrugor, që kryesisht vijnë si rezultat i mungesës së durimit në kushtet e trafikut të rënduar.

Për këtë arsye, strukturat e Policisë Rrugore në të gjithë vendin janë prezente me burime njerëzore dhe pajisje teknologjike të shtuara, jo vetëm për të rregulluar trafikun, por edhe për të parandaluar, konstatuar dhe ndëshkuar shkelësit e rregullave të qarkullimit rrugor, të cilët janë burim rreziku për përfshirje në ngjarje rrugore.

Gjithashtu, të gjitha shërbimet e tjera të Policisë, përfshirë Patrullat e Përgjithshme dhe Forcat e Posaçme Shqiponja, janë në gatishmëri për t'ju ardhur në ndihmë shërbimeve të Policisë Rrugore për menaxhimin e trafikut të rënduar, si dhe për përdoruesit e rrugës në rast nevoje si pasojë e motit të keq.

Rruga e Arbrit përmbytet nga reshjet e shiut

Rruga e Arbrit është përmbytur nga reshjet e dendura të shiut pasditen e sotme.

Përmbytjet kanë shkaktuar problematike në akset nacionale.

Mbi urën e Rrugës së Arbrit është lrijuar një pellg i madh me ujë duke u kthyer në një rrezik për drejtuesit e mjeteve që përdorin këtë aks.

Probleme në këtë aks rrugor pati edhe më rënien e gurëve kryesisht në bypassin e Murrizit por edhe në zonën e Xibrit.