Ndjekje si në filma/ Kush është i riu që u arrestua në Tiranë, gjatë tentativës për t’u arratisur përplasi katër automjete

Sina ka tentuar që ti ikë policisë, pasi fillimisht është pikasur në rrugën Myslym Shyri, por forcat shqiponja i janë vënë nga pas dhe e kanë arrestuar. Gjatë ikjes Sina ka përplasur edhe 4 automjete të tjera.

Fatmirësisht nuk ka persona të lënduar. Ai dyshohet se ishte në shoqërinë e një peroni tjetër. Gjatë largimit, dyshohet se këta shtetas hodhën në tokë një armë zjarri pistoletë, e cila u sekuestrua dhe do të dërgohet për ekzaminime të mëtejshme.

Aktualisht, policia vijon punën për kapjen e një personi të dytë që ishte me Skerdi Sinën.

Por kush është Skerdi Sina?

Skerdi Sina është një prej 5 personave që u shpallën në kërkim nga Policia në Janar të këtij viti, pas ngjarjes së regjistruar në Astir, ku 21-vjeçarja Sajma Qordja kërkoi ndihmë pasi pretendoi se ishte dhunuar nga disa persona në një apartament të marrë me qira në zonën e Astirit.

Policia i vihet në shpinë “Audi Q8” në Tiranë, arrestohet shoferi që lëvizte i armatosur

Policia ka ndjekur një automjet në zonën “Myslym Shyri” pasi kishte dyshime se brenda kësaj makine lëviznin persona të armatosur.

Sapo policia o ka bërë më shenjë që të ndalojë makinës shoferi i ka dhënë gaz dhe ka tentuar që të largohet.

Ndjekja ka vazhduar për disa çaste dhe në ikje e sipër shoferi më Audi Q8, ka gërvishtur edhe makina të tjera.

Ndjekja ka përfunduar në rrugën “Andon Zako Çajupi”.

Policia ka mundur të ndal makinën të arrestojë shoferin dhe të sekuestrojë një armë zjarri të llojit pistoletë. Deri tani nuk raportohet për asnjë person të plagosur.