Makina shpërtheu në flakë sapo u mbush me karburant, si arritën të shpëtonin shoferi e pasagjeri

4 Shtator 2021 - Gazeta Shqiptare

Makina shpërtheu në flakë sapo u mbush me karburant, si arritën të shpëtonin shoferi e pasagjeri

Një makinë ka shpërthyer në flakë në aksin nacional Korçë Pogradec, në afërsi të Maliqit. Ndërkohë që të tjera detaje kanë dalë në dritë nga djegia e makinës.

Gazetarja Lorena Kodra raporton për “BalkanËeb” se makina është furnizuar me gaz në një pikë karburanti. Sapo ka dalë nga aty, mjeti është përfshirë nga flakët duke shkaktuar panik te drejtuesi i pasagjerit.

Drejtuesi dhe pasagjeri, kanë thënë se kanë dëgjuar 3 shpërthime njëra pas tjetrës dhe në kushte të tilla, kanë humbur kontrollin e kanë dalë nga rruga.

Sakaq, në videon e siguruar nga “BW” shihen shtëllunga të mëdha tymi në ajër të shkaktuara nga mjeti që po digjet, ndërkohë zjarrfikëset e spërkasin makinën me ujë për të shuar flakët. Pas këtij procesi, makina shihet totalisht e shkrumbuar.