Makina përplaset me shtyllën e tensionit në Vlorë, 2 të plagosur, ikën energjia elektrike në zonë

Sipas të dhënave paraprake, në mjet udhëtonin dy shtetas, të cilët u transportuan me autoambulancë drejt Spitalit Rajonal të Vlorës. Fatmirësisht, ata ndodhen jashtë rrezikut për jetën.

Në vendngjarje shkuan menjëherë shërbimet policore, të cilat po punojnë për sqarimin e rrethanave të aksidentit.

Ndërsa, OSHEE po punon për rikthim sa më të shpejtë të energjisë elektrike në zonë pasi për shkak të rrëzimit të shtyllës ka patur ndërprerje të energjisë. 

Aksident në Gjirokastër, një i plagosur

Një aksident automobilistik ka ndodhur në lagjen Granicë të Gjirokastrës.

Një person është lënduar rëndë, teksa u rrëzua nga një motoçikletë.

Në vendngjarje mbërritën policia dhe shërbimi i Urgjencës. 

Aksident në Kurbin, makina del nga rruga, plagoset drejtuesja e mjetit

Një aksident automobilistik ja ndodhur ditën e sotme në Kurbin, në rrugën ‘Laguna-Patok’.

Përmes një njoftimi, Policia bën të ditur se një grua duke drejtuar automjetin ka humbur kontrollin dhe ka dalë nga rruga.

Po ashtu mësohet se nga aksidenti është dëmtuar drejtuesja e automjetit, e cila është dërguar për mjekim në Spitalin e Traumës në Tiranë.

Ndërkohë grupi hetimor po punon për sqarimin e rrethanave të aksidentit.

Njoftimi i Policisë:

Kurbin/Informacion paraprak-Rreth orës 15:00, në rrugën “Laguna-Patok”, shtetasja V. P., duke drejtuar automjetin, dyshohet se ka humbur kontrollin dhe si pasojë automjeti ka dalë nga rruga.

Nga aksidenti është dëmtuar drejtuesja e automjetit, e cila është dërguar për mjekim në Spitalin e Traumës, Tiranë.

Grupi hetimor po punon për sqarimin e rrethanave të aksidentit.