Bënte manovra të rrezikshme me “Benz” dhe videon e hidhte në TikTok/ Cërrik, procedohet i riu

“Në lidhje me një video të publikuar në portalin “TikTok”, në të cilën shfaqet një automjet duke kryer manovër të rrezikshme (drift), në Cërrik, sqarojmë se shërbimet e Komisariatit të Policisë Cërrik kanë kryer veprimet për identifikimin e drejtuesit të automjetit. Drejtuesi i automjetit, shtetasi S. T., 26 vjeç, banues në Cërrik, është shoqëruar në Komisariat, bashkë me automjetin”, njofton policia.

Në vijim të veprimeve, specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin S. T., për veprën penale “Prishja e qetësisë publike”.

Gjithashtu, shtetasi 26-vjeçari u ndëshkua me masë administrative 40 000 lekë, bazuar në pikat 3 dhe 8 të nenit 139 të Kodit Rrugor.

Aksident në Vlorë/ Motomjeti del nga rruga, humb jetën 65-vjeçari

Një aksident me vdekje ka ndodhur në fshatin Poro të Vlorës.

Rreth orës 01:30, dyshohet se një 65-vjeçar, banues në fshatin Bishan, duke drejtuar motomjetin, ka dalë nga rruga dhe si pasojë, ka humbur jetën në vendngjarje.

Grupi hetimor vijon punën për zbardhjen dhe dokumentimin e plotë të rrethanave të këtij aksidenti rrugor.

Aksident në Gjirokastër/ Makina përplaset me motorin, vetëm dëme materiale

Një aksident ka ndodhur në Gjirokastër mëngjesin e së martës, ku një makinë është përplasur me një motor.

Nga përplasja, fatmirësisht nuk janë shënuar viktima, por vetëm dëme materiale. Shkak i aksidentit, paraprakisht mendohet të jetë nje parakalim i gabuar i mjetit tip “Mercedes”.

Drejtuesi i motorit është dërguar në Spitalin Rajonal të Gjirokastrës ku po merr ndihmë mjekësore jashtë rrezikut për jetën, ndërsa drejtuesi i mjtetit është shoqëruar në komisariat për veprime të mëtejshme.