Makina e policit përplas automjetin e Gardës me djalin e gjyqtares Irena Gjoka! Automjeti me targa të huaja e goditi nga pas

Makina e gardës që shoqëronte djalin e gjyqtares Irena Gjoka, është përfshirë në një aksident në zonën e Selitës në Tiranë, mbrëmjen e 22 dhjetorit 2023. Automjeti i gardës është goditur nga mbrapa teksa ishte në lëvizje, por fatmirësisht pa u lënduar asnjë person.

Një makinë private me targa të huaja që drejtohej nga një punonjës i policisë Rrugore të Elbasanit, Ardian Vishaj, e goditi nga pas. Sipas dëshmisë së shoferit polici, dyshohet se situata ka ardhur si pasojë e lagështisë në rrugë dhe shpejtësisë, duke humbur kontrollin e automjetit.

Megjithatë për rastin ka nisur një hetim i plotë edhe për shkak të situatës dhe sulmeve të vazhdueshme ku gjendet gjyqtarja, e cila ka caktuar masat ndaj Sali Berishës në hetim për aferën “Partizani”. Për të zbardhur ngjarjen po shihen edhe kamerat e sigurisë, por nga hetimet e deritanishme gjithçka i lihet aksidentales.

Më 26 dhjetor Gjyqtarja Gjoka caktoi seancën për shqyrtimin e kërkesën e Prokurorisë së Posaçme për zëvendësuar masën e sigurisë 'nga detyrim me paraqitje' në 'arrest shtëpie' ndaj ish kryeministrit Sali Berisha i akuzuar për korrupsion pasiv në bashkëpunim në aferën e privatizimit të ish-kompleksit sportiv Partizani. 

Kërkesa erdhi pasi Kuvendi autorizoi një ditë më parë SPAK për arrestin e Sali Berishës, pasi refuzoi disa herë të zbatonte detyrimin me paraqitje para oficeres gjyqësore. 

Për shkak të detyrës, gjyqtares anti-korrupsion, Irena Gjoka, i është shtuar mbrojtja. Si drejtuese e gjykatës së Posaçme, Gjoka kishte pasur deri katër truproja, ndërkohë që ky numër i ishte shtuar në gjashtë që pas vendimit të datës 20 tetor 2023 kur firmosi masën e arrestit ‘detyrim me paraqitje’ dhe ndalim të udhëtimit jashtë për vetë Berishën si dhe masën e arrestit me burg për Jamabër Malltezin. Të dy akuzohen për korrupsion pasiv në aferën e privatizimit të ish-kompleksit sportiv  Partizani që pasoi me ndërtimin e 19 kullave dhe një fitim prej 5.4 milionë eurosh dhëndrit të ish kryeministrit Berisha. Malltezi akuzohet edhe për pastrim parash.

Emri/ Kush është polici që përplasi makinën ku ndodhej djali i gjyqtares Irena Gjoka

Ardjan Disha, është efektivi i Policisë Rrugore në Elbasan, që u përplas mbrëmjen e kaluar me makinën e Gardës në Selitë, që po shoqëronte makinën e gjyqtares së Gjykatës së Posaçme Antikorrupsion, Irena Gjoka. Ndërsa shoferi i mjetit ku ndodhej djali i gjyqtares ishte Izidor Heta.

Aksident në aksin Fier-Portez, automjeti me targa greke bie në kanal, plagosen burrë e grua

Një aksident automobilistik ka ndodhur në aksin rrugor Fier-Portez, ditën e sotme.

Një automjet tip "Renault Clio" me targa greke “AA 223 XO”, është përplasur me një automjet tjetër, duke shënuar 2 plagosur.

Të plagosurit janë shoferi i automjetit me targa greke dhe gruaja e tij, e cila ndodhej në makinë në momentin e aksidentit.

Raportohet se të plagosurit janë transportuar në spitalin Rajonal të Fierit.

Nga pamjet e siguruara duket se përplasja ka qenë e fortë, duke bërë që automjeteti tip "Renaul Clio" të bjerë në një kanal aty pranë.

Policia ka mbërritur në vendngjarje dhe po punon për zbardhjen e rrethanave të aksidentit.

Lajmi në përditësim…

Fundjavë aksidentesh në Fier, 9 të plagosur! Humb jetën 65 vjeçari që u përplas në Bypass! Përfundon në kanal mjeti me dy bashkëshortë brenda

Qarku i Fierit në 24 orët e fundit regjistron 4 aksidente rrugore dhe shqetësuese shfaqet situata kur të përfshirë në to janë mjete me targa greke apo të huaja referuar edhe situatës së fluksit të emigrantëve në vend

Mbrëmjen e të shtunës 7 persona u plagosën në aksin Levan -Tepelenë ku përveç dy drejtuesve të mjeteve, në makinë Nissan kishte 3 pasagjerë të moshave 18, 12 dhe 10 vjeç me mjetin Honday dy pasagjerë 9 dhe 2 vjeç.  5 prej tyre përfunduan në spital dhe 2 vjeçari ishte më rëndë duke iu nënshtruar një ndërhyrje kirurgjikale. Për fat të mirë nuk pati asnjë humbje jete.

Burime për Report TV bëjnë me dije se makinat me targa greke vinte nga Greqia, dhe ka tentuar të hyjë në një parking 24-orësh, ndërsa makina me targa shqiptare po ikte në drejtim të Gjirokastrës kur janë përplasur.

Në orën 03.00 të mëngjesit të hershëm të së dielës një Volvo me shofer një 31 vjeçar nga Vlora i mori jetën një 65 vjeçari në bypassin e Fierit. Shqetësues është fakti se viktima 65 vjeç ende i paidentifikuar ishte këmbësor në bypassin kur shpejtësia e lëvizjes së mjeteve është 130 km/orë.

Paraditen e të dielës, në aksin rrugor Fier-Portëz një mjet me targa greke u përplas me një tjetër duke përfunduar në kanal. Të plagosur mbetën një çift bashkëshortësh në mjetin me targa greke të cilët u shtruan në spitalin rajonal të Fierit.