Makina bie në lumin Shkumbin, nuk gjenden dy persona
Të tjera detaje janë zbardhur lidhur me aksidentin e ndodhur sot në aksin Elbasan-Librazhd në vendin e quajtur “Kthesa e Murrashit”, ku një makinë humbi kontrollin dhe përfundoi në lumin Shkumbin.
Deri më tani janë shpëtuar tre persona që udhëtonin në makinë, ndërkohë, autoritetet po punojnë për gjetjen e dy personave të tjerë që gjithashtu ndodheshin në automjet.
Në vendin e ngjarjes kanë mbërritur policia dhe forcat zjarrëfikse.
Makina del nga rruga dhe përplaset me pemët, një person i plagosur
Një aksident është regjistruar mëngjesin e sotëm në Lezhë. Rreth orës 07:00, një automjet tip “Benz” ka dalë nga rruga dhe u përplas me disa pemë, duke përfunduar më pas në një kanal.
Nga përplasja e automjetit, ka mbetur i plagosur shoferi i cili është transportuar për në spital ku po merr ndihmë mjekësore
Shkak i aksidentit dyshohet se është bërë humbja e kontrollit nga ana e drejtuesit të automjetit.Në vendngjarje shkuan forcat e policisë të cilat nisën hetimet për zbardhjen e shkaqeve të aksidentit.
Lajmet përkatëse
